Палітоляг Сяргей Богдан у праграме «Вынікі дня» разважае пра лёс забітага былога кіраўніка Лібіі Муамара Кадафі і пра пэрспэктывы зьменаў у іншых арабскіх краінах.
Гомельскі грамадзкі актывіст Валер Сляпухін, аштрафаваны судом Чыгуначнага раёну на мільён 400 тысяч рублёў за Народны сход на вуліцы Юбілейнай, аспрэчыў сёньня пастанову на пакараньне ў абласны суд.
Андрэя Саньнікава трымаюць у памяшканьні камэрнага тыпу Бабруйскай калёніі. Больш за два месяцы няма лістоў і тэлефанаваньняў ад Міколы Статкевіча. Зьміцер Дашкевіч пакуль у карантыне, і лісты ад яго таксама не даходзяць. У Зьмітра Бандарэнкі зноў праблемы са здароўем, ён у мэдсанчастцы.
Брытанскі міністар па справах Эўропы Дэйвід Лідынгтан заявіў, што ён глыбока занепакоены папраўкамі ў беларускім заканадаўстве, якія абмяжуюць дзейнасьць грамадзянскай супольнасьці і палітычнай апазыцыі.
Беларусь сёньня вярнулася да рынкавага фармаваньня курсу нацыянальнай валюты. На міжбанкаўскай валютна-фондавай біржы скасаваныя таргі па ільготным курсе для імпартэраў энэрганосьбітаў і мэдыкамэнтаў.
Інфармацыйныя агенцтвы сьвету паведамляюць, што былы лібійскі лідэр Муамар Кадафі памёр ад ран, атрыманых падчас захопу каля яго роднага горада Сірт. Камэнтары беларускіх экспэртаў.
Былы лібійскі лідэр Муамар Кадафі памёр ад ран, атрыманых падчас яго захопу каля роднага гораду Сірт на досьвітку ў чацьвер. Прэзыдэнт ЗША Барак Абама назваў сьмерць Кадафі "заканчэньнем доўгага і пакутлівага пэрыяду гісторыі лібійскага народу".
Расейскі палітоляг Глеб Паўлоўскі, у мінулым адзін з аўтараў перадвыбарчай стратэгіі Ўладзімера Пуціна і Дзьмітрыя Мядзьведзева, параўноўвае вылучэньне Пуціна на выбарах 2012 году з гульнёй у рулетку.
Суд над старшынём праваабарончага цэнтру "Вясна", віцэ-прэзыдэнтам Міжнароднай фэдэрацыі правоў чалавека Алесем Бяляцкім прызначаны на 2 лістапада. Разглядаць справу будзе суд Першамайскага раёну (судзьдзя Бандарэнка), але ў будынку суду Маскоўскага раёну.
У парадку дня Палаты прадстаўнікоў Нацыянальнага сходу на 20 кастрычніка няма пытаньня пра зьмены ў закон пра КДБ. Аднак ёсьць тры пытаньні, якія дэпутаты разгледзяць на закрытым паседжаньні.
Прэм'ер-міністру Расеі Ўладзімеру Пуціну спадабаўся артыкул Аляксандра Лукашэнкі ў газэце "Известия".
Падатковая інспэкцыя Партызанскага раёну Менску аштрафавала намесьніка старшыні праваабарончага цэнтру «Вясна» Валянціна Стэфановіча за няпоўную выплату падатку. Сёньня Стэфановіч – госьць Начной Свабоды.
У сераду шмат у якіх эўрапейскіх гарадах адбыліся акцыі пратэсту супраць удзелу "Дойчэ Банку" ў фінансаваньні рэжыму Аляксандра Лукашэнкі.
Бел-чырвона-белы сьцяг і цыдулка з подпісам Мірона зьявіліся ў Віцебску каля 20-й гадзіны на лініі электраперадач у раёне вуліцы Церашковай.
Сорак пяць хвілінаў доўжылася сёньня ў Гомелі «маўклівая» акцыя пратэсту. Крыху больш за дзясятак маладых людзей сабраліся ля фантану, што побач з цыркам, каб абмяняцца апошнімі навінамі.
Падатковая інспэкцыя Партызанскага раёну Менску аштрафавала на 4 727 330 рублёў намесьніка старшыні праваабарончага цэнтру «Вясна» Валянціна Стэфановіча за няпоўную выплату падатку.
Аналіз законапраектаў, якія маюць рэпрэсіўную накіраванасьць, прадстаўнік БХК у Горадні Раман Юргель перадаў чальцам Савету рэспублікі.
«Ёсьць небясьпека для пазыцыяў улады калі ня ў выніках галасаваньня, то ў камунікацыях апанэнтаў рэжыму з насельніцтвам. Тым больш што рэйтынг дзейнага кіраўніка краіны праз крызіс апусьціўся да гістарычнага мінімуму ў 20,5%».
Дзьве гадзіны прабылі ва ўправе ўнутраных спраў Бабруйску валянтэрка грамадзянскай кампаніі «Гавары праўду» Валянціна Глухава й актывістка «Гавары праўду» Вольга Піманава.
Якое значэньне мае дамова аб зоне вольнага гандлю, падпісаная ўчора кіраўнікамі ўрадаў сямі краін СНД. З такім пытаньнем наша радыё зьвярнулася да экспэртаў у Маскве і ў Кіеве.
Вярхоўны суд Беларусі адхіліў пазоў грамадзкага аб’яднаньня «Гавары праўду» да Міністэрства юстыцыі аб адмове ў рэгістрацыі. Фармальная прычына —памылка ў дакумэнце, прадстаўленым уладальнікам офіса, у якім аб’яданьне хоча мець свой юрыдычны адрас. Заяўнікі кажуць пра палітычны характар рашэньня Мін’юста і Вярхоўнага суду.
Ці мяняе пагадненьне аб зоне вольнага гандлю эканамічныя ўмовы гаспадараньня для Беларусі? Ці становіцца інтэграцыйная тэма адной з ключавых для перадвыбарчай кампаніі Пуціна? Разважае палітоляг У.Мацкевіч.
Кіраўнікі ўрадаў краінаў - членаў Эўразійскай эканамічнай садружнасьці прынялі рашэньне аб далучэньні Кіргізстану да Мытнага саюзу.
Чарговай піяр-акцыяй Уладзімера Пуціна перад прэзыдэнцкімі выбарамі ў Расеі называюць многія экспэрты ўчорашняе падпісаньне Дамовы аб стварэньні зоны свабоднага гандлю ў СНД. Яны згадваюць, што першая такая спроба скончылася безвынікова, і асьцярожна ставяцца да пэрспэктываў паўторнай.
Намесьніка кіраўніка праваабарончага цэнтру "Вясна" Валянціна Стэфановіча аштрафавалі на 15% ад сумы нясплачанага падатку за 2009-2010 годы.
Расея настойвае на выкананьні Беларусьсю ўмоў, на якіх быў атрыманы крэдыт з антыкрызіснага фонду ЭўрАзЭС. Аб гэтым заявіў расейскі прэм'ер-міністар Уладзімір Пуцін на пасяджэньні Міждзяржаўнага савету ЭўрАзЭС.
Ці азначае адмена візыту Віктара Януковіча ў Брусэль запавольваньне інтэграцыі Украіны ў ЭЗ і ўцягваньне яе ў арбіту палітычных і эканамічных інтарэсаў Масквы?
На рашэньне суду Ўладзімер Някляеў зрэагаваў словамі: "Хто б сумняваўся!"
19 кастрычніка на паседжаньні ўдзельнікаў "пагадненьня шасьці" была абмеркавана сытуацыя, зьвязаная з заявай кіраўніка краіны пра тое, што выбарчае заканадаўства ў Беларусі мяняцца ня будзе. Выбары ў Палату прадстаўнікоў пройдуць не пазьней за верасень 2012 году.
Прадстаўніцтва Эўрапейскага Зьвязу ў Менску, са згоды кіраўнікоў місій краін ЭЗ, выступіла з заявай, у якой зьвярнулася да беларускіх уладаў з заклікам не прымаць законапраекты, якія могуць абмежаваць правы і свабоды грамадзян Беларусі.
У Санкт-Пецярбургу кіраўнікі шэрагу ўрадаў краін СНД падпісалі Дамову аб стварэньні зоны вольнага гандлю. Паводле заявы Ўладзімера Пуціна, гаворка ідзе аб стварэньні новага падмурку гандлёва-эканамічных адносінаў у рамках СНД.
Навошта Аляксандар Лукашэнка выступіў у «Известиях» з артыкулам на тэму постсавецкай інтэграцыі, які стаў адказам на праграмны артыкул Уладзімера Пуціна, што зьявіўся ў той самай газэце раней?
Гомельскі грамадзкі актывіст Кастусь Жукоўскі атрымаў адказ на сваю скаргу пра супрацьпраўныя дзеянні супрацоўнікаў міліцыі спэцыяльнага прызначэньня.
Сёньня судзьдзя Цэнтральнага раёну Гомеля Марына Дамненка аштрафавала грамадзкага актывіста, пэнсіянэра МУС Уладзімера Няпомняшчых на 105 тысяч рублёў за лаянку.
18 кастрычніка дэлегаты 2-га зьезду праўладнага Саюзу пісьменьнікаў Беларусі пераабралі на новы тэрмін старшынём арганізацыі Мікалая Чаргінца. За яго кандыдатуру прагаласаваў 461 дэлегат, супраць — адзін, тры ўстрымаліся.
У Вярхоўным судзе пачаўся працэс паводле пазову грамадзкага аб’яднаньня «Гавары праўду» да Міністэрства юстыцыі аб адмове ў рэгістрацыі. Прадстаўляць інтарэсы арганізацыі ў судовую залю прыйшлі былыя палітвязьні Ўладзімер Някляеў і Сяргей Вазьняк.
Нямецкае таварыства «Правы чалавека ў Беларусі» абнародавала дакумэнт, у якім выклала сваё бачаньне эўрапейскай палітыкі адносна Беларусі. Кіраўніком таварыства зьяўляецца вэтэран нямецкай дыпляматыі, былы кіраўнік місіі АБСЭ ў Беларусі Ганс-Георг Вік.
Бізнэсовец Уладзімер Пефціеў накіраваў у Эўрапейскі суд пазоў супраць рашэньня Рады Эўразьвязу ўвесьці санкцыі супраць яго і зьвязаных зь ім кампаніяў. Напрыканцы сакавіка падаваў скаргу на санкцыі Эўразьвязу ў Эўрапейскі суд па правах чалавека Вадзім Гігін.
Расейскія ўлады чарговы раз абвінавацілі Беларусь у кантрабандзе на сваю тэрыторыю грузінскай і малдаўскай алькагольнай прадукцыі. Масква абяцае жорсткія захады супраць кантрабанды.
Грамадзка-палітычная сытуацыя ў Беларусі пагаршаецца літаральна з кожным днём. Пра гэта сказана ў заяве Расейскага ПЭН-цэнтру пра сытуацыю ў Беларусі.
Дэманстрацыі кампаніі «Займайце Ўол-стрыт» пракаціліся па ўсёй Амэрыцы і перакінуліся на Эўропу. Гэтыя дэманстрацыі ў ЗША сутыкнуліся з жорсткім супрацьдзеяньнем паліцыі.
Аўтары ліста выказваюць "глыбокую занепакоенасьць утрыманьнем пад вартай беларускіх грамадзянаў". "Мы ведаем, што беларусы адданыя прынцыпам і ідэям дэмакратыі", — напісана ў лісьце.
Рух Хамас сёньня вызваліў ізраільскага салдата Гілада Шаліта, які пяць гадоў быў у палоне ў Сэктары Газы. Шаліта перадалі эгіпецкім уладам у межах ізраільска-палестынскай дамовы аб абмене зьняволенымі, пасярэднікам у якой выступаў Эгіпет.
Законапраекты, якія ўзмацняюць жорсткасьць умоваў грамадзка-палітычнай дзейнасьці і якія атрымалі вялікі грамадзкі рэзананс, будуць разгледжаныя 21 кастрычніка на другім пленарным пасяджэньні восеньскай сэсіі Савету Рэспублікі.
Беларускі бізнэсовец Уладзімер Пефціеў накіраваў у Эўрапейскі суд пазоў, у якім аспрэчвае рашэньне Рады ЭЗ увесьці санкцыі супраць яго і падкантрольных яму кампаніяў. Інтарэсы Пефціева абараняюць адвакаты фірмы, якая зьвязаная зь дзейнай прэзыдэнткай Даляй Грыбаўскайце.
Эўрапейскі Зьвяз адмяніў заплянаваны візыт ўкраінскага прэзыдэнта Віктара Януковіча пасьля заключэньня ў турму былога прэм'ер-міністра Юліі Цімашэнкі.
Траціна жыхароў Літвы лічаць, што з-за скандалу зь перадачай дадзеных Беларусі міністры юстыцыі і замежных справаў Рэмігіюс Шымашус і Аўдронюс Ажубаліс павінны сысьці ў адстаўку. Пра гэта сьведчаць вынікі сацыялягічнага апытаньня.
Вялікая Брытанія і Беларусь адмовіліся выдаваць былога прэзыдэнта Кіргізстану Курманбека Бакіева і членаў яго сям'і на радзіму. З такой заявай выступіў сёньня старшыня камітэту дзяржаўнай бясьпекі Кіргізстану Кенешбек Душабаеў.
«Спатканьне было доўгатэрміновым, такім чынам, быў час пагаварыць. Сын расказаў, што вязьні калёніі ўхваляюць ягоную адмову пісаць прашэньне аб памілаваньні. «Калі не вінаваты, то ў чым каяцца?» — кажуць яны».
Адміністрацыя магілёўскай калёніі выяўляе падвышаную ўвагу да здароўя Зьмітра Бандарэнкі. Міколу Статкевічу на асабісты рахунак у шклоўскай турме не дайшлі дзьве пэнсіі. Эдуард Лобаў сустрэўся з маці ў турме «Ваўчыныя норы». Андрэй Саньнікаў і Зьміцер Дашкевіч працягваюць адбываць карантын у турмах Бабруйску і Глыбокага.
Загрузіць яшчэ