На канфэрэнцыі ў Празе «Беларусь на мяжы. Пляны на жыцьцё пасьля Лукашэнкі» з большай увагай гаварылі пра тое, як мяняць беларускае грамадзтва, а не цяперашні палітычны рэжым.
Гомельскі актывіст інтэрнэт-супольнасьці «Рэвалюцыя праз сацыяльныя сеткі» Ільля Міронаў пакараны 10-суткавым арыштам за падрыхтоўку Народнага сходу.
Рада Бясьпекі ААН адзінагалосна прыняла рэзалюцыю аб заканчэньні 31 кастрычніка мандату на вядзеньне міжнароднай вайсковай апэрацыі ў Лібіі.
27 кастрычніка ўвечары атэстацыйная камісія спэцкамэндатуры ў вёсцы Куплін Пружанскага раёну вынесла рашэньне, што Павал Севярынец, які адбывае там пакараньне на «хіміі», стаў на шлях выпраўленьня.
Грузія прапускае Расею ў Сусьветную гандлёвую арганізацыю (WTO). Як паведамляе агенцтва Ройтэр, Тбілісі зьмякчыў сваю пазыцыю ў спрэчцы аб памежным кантролі ў Абхазіі і Паўночнай Асэтыі, якія аддзяліліся ад Грузіі ў выніку вайны ў 2008 годзе.
Некалькі дзён запар актывісты грамадзкай ініцыятывы «Эўрапейская Беларусь» ладзілі несанкцыянаваныя акцыі за вызваленьне палітвязьняў на Кастрычніцкай плошчы Менску. Удзельнікаў кідалі за краты. У чацьвер акцыя не адбылася.
Першы намесьнік міністра інфармацыі Лілія Ананіч 27 кастрычніка ў Віцебску заявіла журналістам, што СМІ — важнае зьвяно дзяржаўнай інфармацыйнай палітыкі: «Гэта не чацьвёртая ўлада, а партнэры ўлады».
Былы кандыдат у прэзыдэнты, лідэр грамадзянскай кампаніі "Эўрапейская Беларусь" Андрэй Саньнікаў у бабруйскай калёніі № 2 рыхтуе скаргу на свой прысуд у Вярхоўны суд Беларусі.
Ленінскі суд Менску пакараў трох удзельнікаў акцыі ў падтрымку палітзьняволеных арыштам на тэрмін 10–15 сутак. Яны былі затрыманыя напярэдадні каля Кастрычніцкай плошчы Менску.
"Handelsblatt" адзначае: ціск нямецкіх палітыкаў на Deutsche Bank, каб ён ня меў аніякіх гешэфтаў з рэжымам Аляксандра Лукашэнкі, існаваў здаўна.
Ужо тыдзень на Кастрычніцкай плошчы Менску штодзённа зьбіраюцца акцыі ў падтрымку палітвязьняў, на якія прыходзіць па некалькі дзясяткаў чалавек. Алесь Макаеў заклікаў партыйных лідэраў падтрымаць акцыі асабістым прыкладам.
Грамадзкі актывіст з Астравеччыны Мікалай Уласевіч дамагаўся, каб кіраўніка дзяржавы пакаралі за ягоны ўказ № 418 "Аб разьмяшчэньні і праектаваньні атамнай станцыі ў Беларусі".
Пасол Турцыі ў Беларусі заявіў, што яго краіна не далучыцца да санкцый Эўразьвязу ў дачыненьні да Беларусі ў выпадку, калі стане сябрам ЭЗ. Камэнтар ЭЗ: выключэньняў быць ня можа.
27 кастрычніка пачынаецца афіцыйны візыт Аляксандра Лукашэнкі ў Таджыкістан. У яго заплянаваная сустрэча з прэзыдэнтам Эмамалі Рахмонам.
26 кастрычніка прэзыдэнт Азэрбайджану Ільхам Аліеў прыняў дзяржаўнага сакратара Рады бясьпекі Рэспублікі Беларусь Леаніда Мальцава.
У выніку акцыі салідарнасьці з палітвязьнямі, якая адбылася на Кастрычніцкай плошчы ў Менску 26 кастрычніка, затрыманыя тры актывісты кампаніі «Эўрапейская Беларусь». Непадалёк ад плошчы затрымалі таксама прадпрымальніка Андрэя Кабанава.
На нацыянальным прававым партале зьявіўся законапраект, які тычыцца абмежаваньня доступу да забароненых сайтаў, а таксама рэклямы на замежных сайтах і ўвядзеньня штрафу за адсутнасьць базы дадзеных карыстальнікаў паслуг.
Сытуацыя ў Беларусі стала вядомай многім нямецкім жанчынам. Папулярны жаночы часопіс «Максі» ў сваім сьвежым нумары надрукаваў артыкул пра былых кандыдатаў у прэзыдэнты Беларусі.
Суд Цэнтральнага раёну Менску пакараў пяцёх удзельнікаў акцыі ў падтрымку палітзьняволеных штрафам і адміністрацыйнымі арыштамі на тэрмін ад 7 да 10 сутак. Іх затрымалі напярэдадні. Асуджаныя не прызналі сваёй віны.
Генэрал-палкоўнік Павал Казлоўскі перакананы, што Расея зацікаўленая ў вайсковым супрацоўніцтве з Беларусьсю. Так ён пракамэнтаваў пасяджэньне Савету Парлямэнцкай асамблеі АДКБ і сумесную калегію міністэрстваў абароны Беларусі і Расеі.
Сёньня ўначы ў цэнтры Менску (вул. Сурганава, раён універсама “Рыга”, Акадэміі Навук) зноў зьявіліся графіці з патрабаваньнямі вызваліць лідэра “Маладога Фронту” Зьмітра Дашкевіча і актывіста арганізацыі Эдуарда Лобава.
Беларусь навучылася змагацца з "рэвалюцыямі праз сацыяльныя сеткі". Аб гэтым кіраўнік Беларусі Аляксандар Лукашэнка заявіў на сустрэчы з удзельнікамі пасяджэньня Савета ПА АДКБ.
Нямецкі "Deutsche Bank" і францускі "BNP Paribas" спыняюць супрацоўніцтва з урадам Беларусі.
На старшыню абласной арганізацыі Аб’яднанай грамадзянскай партыі Ўладзімера Шанцава складзены пратакол адміністрацыйнага затрыманьня. Пра гэта ён паведаміў праз тэлефон зь Ленінскага аддзелу міліцыі Магілёва.
Кіраўнік Беларусі Аляксандар Лукашэнка заявіў аб поўным узаемаразуменьні з кіраўніцтвам Расеі ў пытаньнях бясьпекі і ўзаемадзеяньня ў рамках АДКБ.
Ігар Кармазін прыехаў у Менск пісаць рэпартаж пра беларускіх палітвязьняў. Пасьля інтэрвію з Ірынай Халіп, жонкай былога кандыдата на прэзыдэнта Андрэя Саньнікава, Кармазіна затрымалі.
Ці можа стаць страйк барысаўскіх камунальшчыкаў прыкладам для іншых? Якімі мэтадамі — пугай ці пернікам — улада будзе імкнуцца спыніць сацыяльныя пратэсты? Адказвае палітоляг Юры Чавусаў.
Падчас акцыі салідарнасьці з палітвязьнямі на Кастрычніцкай плошчы ў Менску затрымалі шэсьць чалавек. Супрацоўнікі міліцыі затрымлівалі людзей за тое, што яны разгарнулі партрэты палітзьняволеных альбо выказвалі свае меркаваньні журналістам.
Кіраўнік Беларусі Аляксандар Лукашэнка сустрэўся зь сябрамі Саюзу пісьменьнікаў Беларусі, які ўзначальвае Мікалай Чаргінец. Як ацэньваюць тэмы і вынікі размовы прадстаўнікі праўладнага СПБ і незалежнага Саюзу беларускіх пісьменьнікаў?
У Гомелі міліцыя наведвае сем’і актыўных удзельнікаў акцый у падтрымку беларускіх палітзьняволеных і «Рэвалюцыя праз сацыяльную сетку».
Старшыня Аб’яднанай грамадзянсакай партыі Анатоль Лябедзька будзе падаваць у суд на КДБ. Менавіта такім чынам апазыцыйны палітык зьбіраецца вярнуць сабе пашпарт, канфіскаваны сьледчымі падчас ягонага арышту ўначы 19 сьнежня.
На Кастрычніцкай плошчы Менску прайшла чарговая акцыя ў падтрымку палітвязьняў. Не пасьпелі чацьвёра актывістаў разгарнуць партрэты палітвязьняў, як былі гвалтам затрыманыя. Усяго вядома пра шэсьць затрыманых на плошчы.
25 кастрычніка дзьве гадзіны дапытвалі ў Ленінскім аддзеле міліцыі Магілёва старшыню абласной арганізацыі Аб’яднанай грамадзянскай партыі Ўладзімера Шанцава. Ён сябра аргкамітэту па правядзеньні ў Магілёве Народнага сходу.
Меркаваньні беларускіх і расейскіх уладаў наконт статусу піва разышліся. Беларусь настойвае, што піва не павінна лічыцца алькагольным напоем і абарот яго павінен рэгулявацца асобным тэхнічным рэглямэнтам.
Галоўнае ўпраўленьне юстыцыі Менгарвыканкаму адмовіла ў рэгістрацыі гарадзкога аддзяленьня руху «За свабоду». Прычына адмовы — пададзеныя дакумэнты, маўляў, не адпавядаюць заканадаўству.
Які вынік перапіскі паміж Пуціным і Лукашэнкам у газэце «Известия»? Ці мае нейкія асаблівасьці цяперашні раўнд інтэграцыі на постсавецкай прасторы, ініцыяваны Масквой?
Суд Цэнтральнага раёну Менску асудзіў актывіста «Эўрапейскай Беларусі» Максіма Вінярскага на 10 сутак адміністрацыйнага арышту. Судзьдзя Валеры Есьман прызнаў яго вінаватым паводле артыкула 23.34 ч.3 аб паўторным прыцягненьні да адказнасьці за парушэньне правілаў правядзеньня масавых мерапрыемстваў.
Арганізатары Народнага сходу і суполка «Рэвалюцыя праз сацыяльную сетку» мяняюць фармат правядзеньня акцыяў: народныя сходы плянуецца склікаць у дварах, а маўклівыя акцыі ўжо адбываюцца ў форме фотаакцыяў. Чаму так адбываецца і ці будзе гэта мець эфэкт?
25 кастрычніка палітвязьня, каардыната грамадзянскай кампаніі «Эўрапейская Беларусь» Зьмітра Бандарэнку ў магілёўскай папраўчай калёніі № 15 наведаў адвакат Юры Сташкевіч. Сустрэцца з адвакатам зьняволены палітык хацеў у сувязі са станам здароўя.
Паводле папярэдніх вынікаў, на першых дэмакратычных выбарах у Тунісе, якія адбыліся 23 кастрычніка, перамагла памяркоўная ісламісцкая партыя «Энагда» (Адраджэньне).
Пра гэта Аляксандар Лукашэнка заявіў на сустрэчы са старшынём Мажылісу (парлямэнту) Казахстану Ўралам Мухамэджанавым.
"Выказваем асаблівую заклапочанасьць адносна таго, што па-за ўсякага грамадзкага абмеркаваньня ў заканадаўства Беларусi быў унесены шэраг паправак, накіраваных на абмежаваньне грамадзянскіх правоў і свабодаў і на разьвязваньне яшчэ больш суровых рэпрэсій з боку сілавых структураў".
У Гомелі а 19-й гадзіне ў сквэры Кірылы Тураўскага прайшла акцыя падтрымкі палітвязьняў. Сюды прыйшлі каля дзесяці маладых мінакоў.
Акцыя салідарнасьці з палітвязьнямі на Кастрычніцкай плошчы ў Менску пачалася з затрыманьняў. Супрацоўнікі міліцыі, пагражаючы, абрывалі інтэрвію ўдзельнікаў журналістам.
Каардынатар аргкамітэту БХД па Берасьцейшчыне Зьміцер Шурхай абскарджвае ў абласным судзе прысуд суду Маскоўскага раёну за брыдкаслоўе.
26 няўрадавых арганізацый зьвярнуліся ў Канстытуцыйны суд з заклікам не дапусьціць парушэньня канстытуцыйных правоў і свабодаў грамадзянаў у сувязі са зьменамі ў Крымінальны кодэкс і закон «Аб грамадзкіх аб’яднаньнях», а таксама ў закон «Аб масавых мерапрыемствах у Рэспубліцы Беларусь».
Берасьцейскія актывісты кампаніі «Гавары праўду» распачалі акцыю «Сто пытаньняў дэпутату». Падчас акцыі актывісты пайшлі па кватэрах берасьцейцаў, каб высьветліць, якія пытаньні яны хочуць задаць дэпутатам.
Прэзыдэнт Беларусі Аляксандр Лукашэнка прызначыў кіраўніком Сьледчага камітэту Валеры Вакульчыка, які раней узначальваў апэратыўна-аналітычны цэнтар пры прэзыдэнце.
Мустафа Джаліл, старшыня Нацыянальнай пераходнай рады ў Лібіі, заявіў журналістам, што Рада вырашыла стварыць сьледчую камісію ў справе сьмерці Муамара Кадафі 20 кастрычніка.
Гэнэральная пракуратура вынесла папярэджаньне каардынатару кампаніі «Эўрапейская Беларусь» Максіму Вінярскаму "аб недапушчальнасьці працягу супрацьпраўных дзеяньняў, зьвязаных з распаўсюдам заклікаў да ўдзелу і арганізацыі несанкцыянаваных масавых мерапрыемстваў.
Загрузіць яшчэ