Кастусь Бандарук, Прага 1 ліпеня 1980 году, у адказ на падвышэньне цэнаў на мясныя прадукты, рабочыя па ўсёй Польшчы, перш за ўсё ў Любліне, распачалі спантанныя страйкі й акцыі пратэсту. У канцы жніўня страйкі ахапілі ўсю краіну. Вырашальную ролю адыграў страйк на суднавэрфі імя Леніна ў Гданьску, дзе набыў арганізацыйныя рамкі магутны грамадзкі рух, першы ў камуністычным блёку незалежны прафсаюз “Салідарнасьць” на чале зь Лехам Валэнсам. “Салідарнасьць” адыграла ключавую ролю ў краху камунізму ва Ўсходняй Эўропе, упэўненыя гісторыкі. У гэтыя дні Польшча ўрачыста адзначае 25-ую гадавіну заснаваньня славутага прафсаюзу.
