Калі ад школы ў Петрыкаве Аляксандр Лукашэнка адляцеў на верталёце некуды на агляд палеткаў ці ў сваю летнюю рэзыдэнцыю на Прыпяці блізу вёскі Кабачок, мы з былым дэпутатам Вярхоўнага Савету Вячаславам Герасіменкам накіраваліся да яго на лецішча. Гэта ў тым баку, дзе і рэзыдэнцыя кіраўніка дзяржавы. Але першапачаткова мы заехалі ў вёску Дарашэвічы. Там апошнім часам экспэрымэнтальная лесагаспадарка “Ляскавічы”, якая належыць да кіраўніцтва спраў прэзыдэнта, пабудавала гатэль і прырэзала да яго блізу кілямэтру прыбярэжнай зоны. Паміж ракою Прыпяць і вясковымі хатамі паставілі высокі плот. Палова вёскі аказалася адрэзанай ад ракі.
Плот гэты я сфатаграфаваў з надзеяй апублікаваць у “Народнай волі”. Заадно і даць да фотаздымкаў меркаваньне жыхароў Дарашэвічаў пра такія новаўвядзеньні.
І вось калі вясковяц Аляксандр Іванавіч апавядаў мне, што цяпер яму няма як выйсьці ў лясок пазьбіраць грыбоў, палюбавацца Прыпяцьцю, падкаціў чорны аўтобус і адтуль высыпала паўдзясятка узброеных людзей.
Размаўляў са мною чалавек у камуфляжнай форме з пагонамі маёра. На рукаве ў яго была нашыўка “Спецназ”. Назваўся ён маёрам Сяргеем Кутасавым.
Маёр запытаўся, хто я такі і што тут раблю. Я, вядома ж, назваўся, сказаў, што фатаграфую плот. Сяргей Кутасаў не зразумеў беларускага слова “плот”. Потым ён спрабаваў даказаць, што і без беларускай мовы можна быць патрыётам Беларусі.
Ад яго мы даведаліся, што кіраўнік дзяржавы зараз знаходзіцца ў сваёй рэзыдэнцыі ў Кабачку, таму вакол узмоцненая ахова. Мы, маўляў, можам сфатаграфаваць нейкую непатрэбшчыну. Ну калі б ў сасоньніку была там якаясьці гармата з разбуральным зарадам. А плот -- што плот… Падумаеш, адгарадзілі бабулек ды дзядуль ад Прыпяці. Затое для тых, хто адпачывае, раздольле.
Дарэчы, дарашэвіцкі пэнсіянэр Іван Іванавіч апавядаў мне, што вяскоўцаў запрашалі памыцца ў лазьні пры гатэлі. Гадзіна нібыта каштуе 30 тысяч рублёў. Пэнсіянэр падрахаваў: за гэтыя грошы ён можа амаль месяц жыць.
Маёр Кутасаў пацікавіўся ў мяне вайсковец Кутасаў, дзе апазыцыя бярэ грошы на ўлёткі. Я яму параіў з такім пытаньнем зьвяртацца да лідэраў апазыцыі, а не да журналіста. Некалькі разоў Сяргей Кутасаў зьвязваўся па рацыі са сваім начальствам. Пра што гаварылі, я ня чуў, але ехаць ахоўнікі мне забаранялі зьяжджаць. Патрабавалі чакаць начальства. Я пытаўся: “Што я парушыў”? Маёр адказваў, што нічога, але трэба пачакаць начальства. Яны ўсё патлумачаць.
Прыкладна праз гадзіну на белым мікрааўтобусе “мэрсэдэс” пад`ехаў з камандаю малады чалавек сярэдняга росту. Быў ён у цывільным. Назваўся кіраўнікам службы аховы Уладзімерам Мікалаевічам – і больш нічога пра сябе не сказаў. Заявіў, што маё прозьвішча яму вядомае, і ў сувязі з прыездам Аляксандра Лукашэнкі ў раёне праводзіцца спэцапэрацыя “Антытэрор”. Таму трэба прад`явіць дыктафоны, фатаапараты. Можа, там выбуховыя рэчывы. “Пластыт”, як выказаўся ахоўнік. Іншыя службоўцы абшукалі легкавік, забралі нават касэты з музыкаю. Усё сабралі ў паліэтыленавы мяшок.
Я настойваў, каб быў складзены акт адабранага. Але кіраўнік ахоўнікаў адказаў, што ён ня хоча пакідаць узор свайго почырку ды адбіткі пальцаў.
А хвалявацца за дыктафоны ды фотаапарат, маўляў, ня трэба. Дзён праз дзесяць усё можна будзе забраць у Менску. Адрас: вуліца Бабруйская, 3.
Склалася ўражаньне, што цікавіла ахоўнікаў перш за ўсё аўдыё- ды фотатэхніка -- як носьбіты інфармацыі. Яны празрыста намякалі, што цэнзура павінна быць.
На сканфіскаваных запісах людзі выказвалі свае пажаданьні, зь якімі хацелі б зьвярнуцца да Аляксандра Лукашэнкі. Найперш яны хацелі, каб ім у дамы ды кватэры правялі прыродны газ. Да райцэнтру газавую нітку працягнулі амаль два гады таму. Але ў бальшыні дамоў газу няма. “Газ! Газ! Газ!”, - так казала мне ў дыктафон жыхарка Петрыкава.
Вельмі ўзрушылі мяне словы Тацьцяны Тупчык, маці сямёх дзяцей. Спадарыня Тупчык адмыслова прыехала ў Петрыкаў з вёскі Запольле саўгаса “Ненач” Калінкавіцкага раёну. Хацела запрасіць Аляксандра Лукашэнку прыехаць ў іхні саўгас, каб ён разабраўся з тамтэйшымі парадкамі. Жанчына працуе даяркай. Зімою заробкі ў даярак не перавышаюць 70 тысячаў рублёў, летам найбольш – 180 тысячаў. “Як жыць”? – пыталася мнагадзетная маці.
Я прашу прабачэньня ў вас, спадарыня Тупчык, што вашы словы, ваш боль не гучаць сёньня ў эфіры. Не я ў гэтым вінаваты.
Сёння рабочая паездка Аляксандра Лукашэнкі у Гомельскай вобласьці працягваецца. Ён мае наведаць саўгас “Насовічы” Добрушскага раёну.
Плот гэты я сфатаграфаваў з надзеяй апублікаваць у “Народнай волі”. Заадно і даць да фотаздымкаў меркаваньне жыхароў Дарашэвічаў пра такія новаўвядзеньні.
І вось калі вясковяц Аляксандр Іванавіч апавядаў мне, што цяпер яму няма як выйсьці ў лясок пазьбіраць грыбоў, палюбавацца Прыпяцьцю, падкаціў чорны аўтобус і адтуль высыпала паўдзясятка узброеных людзей.
Размаўляў са мною чалавек у камуфляжнай форме з пагонамі маёра. На рукаве ў яго была нашыўка “Спецназ”. Назваўся ён маёрам Сяргеем Кутасавым.
Маёр запытаўся, хто я такі і што тут раблю. Я, вядома ж, назваўся, сказаў, што фатаграфую плот. Сяргей Кутасаў не зразумеў беларускага слова “плот”. Потым ён спрабаваў даказаць, што і без беларускай мовы можна быць патрыётам Беларусі.
Ад яго мы даведаліся, што кіраўнік дзяржавы зараз знаходзіцца ў сваёй рэзыдэнцыі ў Кабачку, таму вакол узмоцненая ахова. Мы, маўляў, можам сфатаграфаваць нейкую непатрэбшчыну. Ну калі б ў сасоньніку была там якаясьці гармата з разбуральным зарадам. А плот -- што плот… Падумаеш, адгарадзілі бабулек ды дзядуль ад Прыпяці. Затое для тых, хто адпачывае, раздольле.
Дарэчы, дарашэвіцкі пэнсіянэр Іван Іванавіч апавядаў мне, што вяскоўцаў запрашалі памыцца ў лазьні пры гатэлі. Гадзіна нібыта каштуе 30 тысяч рублёў. Пэнсіянэр падрахаваў: за гэтыя грошы ён можа амаль месяц жыць.
Маёр Кутасаў пацікавіўся ў мяне вайсковец Кутасаў, дзе апазыцыя бярэ грошы на ўлёткі. Я яму параіў з такім пытаньнем зьвяртацца да лідэраў апазыцыі, а не да журналіста. Некалькі разоў Сяргей Кутасаў зьвязваўся па рацыі са сваім начальствам. Пра што гаварылі, я ня чуў, але ехаць ахоўнікі мне забаранялі зьяжджаць. Патрабавалі чакаць начальства. Я пытаўся: “Што я парушыў”? Маёр адказваў, што нічога, але трэба пачакаць начальства. Яны ўсё патлумачаць.
Прыкладна праз гадзіну на белым мікрааўтобусе “мэрсэдэс” пад`ехаў з камандаю малады чалавек сярэдняга росту. Быў ён у цывільным. Назваўся кіраўнікам службы аховы Уладзімерам Мікалаевічам – і больш нічога пра сябе не сказаў. Заявіў, што маё прозьвішча яму вядомае, і ў сувязі з прыездам Аляксандра Лукашэнкі ў раёне праводзіцца спэцапэрацыя “Антытэрор”. Таму трэба прад`явіць дыктафоны, фатаапараты. Можа, там выбуховыя рэчывы. “Пластыт”, як выказаўся ахоўнік. Іншыя службоўцы абшукалі легкавік, забралі нават касэты з музыкаю. Усё сабралі ў паліэтыленавы мяшок.
Я настойваў, каб быў складзены акт адабранага. Але кіраўнік ахоўнікаў адказаў, што ён ня хоча пакідаць узор свайго почырку ды адбіткі пальцаў.
А хвалявацца за дыктафоны ды фотаапарат, маўляў, ня трэба. Дзён праз дзесяць усё можна будзе забраць у Менску. Адрас: вуліца Бабруйская, 3.
Склалася ўражаньне, што цікавіла ахоўнікаў перш за ўсё аўдыё- ды фотатэхніка -- як носьбіты інфармацыі. Яны празрыста намякалі, што цэнзура павінна быць.
На сканфіскаваных запісах людзі выказвалі свае пажаданьні, зь якімі хацелі б зьвярнуцца да Аляксандра Лукашэнкі. Найперш яны хацелі, каб ім у дамы ды кватэры правялі прыродны газ. Да райцэнтру газавую нітку працягнулі амаль два гады таму. Але ў бальшыні дамоў газу няма. “Газ! Газ! Газ!”, - так казала мне ў дыктафон жыхарка Петрыкава.
Вельмі ўзрушылі мяне словы Тацьцяны Тупчык, маці сямёх дзяцей. Спадарыня Тупчык адмыслова прыехала ў Петрыкаў з вёскі Запольле саўгаса “Ненач” Калінкавіцкага раёну. Хацела запрасіць Аляксандра Лукашэнку прыехаць ў іхні саўгас, каб ён разабраўся з тамтэйшымі парадкамі. Жанчына працуе даяркай. Зімою заробкі ў даярак не перавышаюць 70 тысячаў рублёў, летам найбольш – 180 тысячаў. “Як жыць”? – пыталася мнагадзетная маці.
Я прашу прабачэньня ў вас, спадарыня Тупчык, што вашы словы, ваш боль не гучаць сёньня ў эфіры. Не я ў гэтым вінаваты.
Сёння рабочая паездка Аляксандра Лукашэнкі у Гомельскай вобласьці працягваецца. Ён мае наведаць саўгас “Насовічы” Добрушскага раёну.
