Вёску Дарашэвічы ад ракі Прыпяць адгарадзілі плотам літаральна за тры дні. Апавядае мясцовы жыхар Мікалай:
(Мікалай: ) “Адгарадзілі вёску ад пляжу, ад ракі. Паставілі плот уздоўж вёскі. Дзе быў пляж, адгарадзілі. А нас адагналі ў кусты. Людзі з хатаў выходзяць і прама ў плот пазіраюць. Адгароджана ад Кабачка да самага клюбу ў Дарашэвічах – кілямэтраў два з паловай, тры будзе”, – кажа вясковец з Дарашэвічаў.
Урочышча Кабачок знакамітае тым, што тут знаходзіцца летняя рэзыдэнцыя Аляксандра Лукашэнкі. Яна таксама наўкола абнесена агароджай.
Як сьцьвярджаюць вяскоўцы, экспэрымэнтальная лесагаспадарка “Ляскавічы”, якой кіруе Васіль Бамбіза, у Дарашэвічах на месцы зачыненай фэрмы вырашыла пабудаваць яшчэ і гатэль для турыстаў. Да гатэлю прырэзаная і прырэчная зона. Яна і адгароджана высокім плотам да самага Кабачка. Тут дзяжурыць ахова і нікога не пускае да Прыпяці – ні рыбакоў, ні вяскоўцаў.
Гаворыць былая калгасная даярка з Дарашэвічаў Клаўдзія Кульчыцкая:
(Кульчыцкая: ) “Я пражыла 70 гадоў, сорак зь іх працавала на фэрме. Я ўжо цэлую Прыпяць малака надаіла сваімі рукамі. А цяпер прыедзе маё дзіця, дык няма дзе толкам пакупацца. Ідзі ў лягушатнік, у гліну. А там, дзе пясок, яны ж усё занялі”.
У начальніка зямельнай службы Петрыкаўскага раёну Аляксандра Вяргея я пацікавіўся, хто ж распарадзіўся адгарадзіць у Дарашэвічах вяскоўцаў ад Прыпяці?
(Вяргей: ) “Пра гэты плот я толькі пачуў сёньня раніцаю. Таму нічога сказаць не магу. Я толькі з адпачынку, не магу зарыентавацца. Проста не займаўся гэтаю справаю. Сельскі Савет прымае рашэньне наконт адводу зямельных участкаў на сваёй тэрыторыі, а мы кантралюем”, – сказаў начальнік зямельнай службы Аляксандр Вяргей.
Сакратарка Ляскавіцкага сельскага Савету Надзея Стэльмашок у сваю чаргу паведаміла:
(Стэльмашок: ) “Усе рашэньні ідуць празь мяне. Такога рашэньня я нікому не давала. Ніякага рашэньня мы не падпіcвалі і не выдавалі. Заўтра на тэрыторыі сельскага Савета будзе прэзыдэнт. Думаю, пытаньні будуць і да прэзыдэнта на такую тэму”, – лічыць сакратарка Ляскавіцкага сельскага Савету спадарыня Стэльмашок.
У Дарашэвічах людзі ня маюць сумневу, хто насамрэч распараджаецца падобным пераразьмеркаваньнем тэрыторыі:
(Мікалай: ) “Хто начальнік, той і пан. Улада ўся ў іх. І зьвязана гэта з прэзыдэнтам. Бамбіза захацеў – робіць тут, захацеў – робіць там. А для людзей – хрэн з табакаю”.
(Мікалай: ) “Адгарадзілі вёску ад пляжу, ад ракі. Паставілі плот уздоўж вёскі. Дзе быў пляж, адгарадзілі. А нас адагналі ў кусты. Людзі з хатаў выходзяць і прама ў плот пазіраюць. Адгароджана ад Кабачка да самага клюбу ў Дарашэвічах – кілямэтраў два з паловай, тры будзе”, – кажа вясковец з Дарашэвічаў.
Урочышча Кабачок знакамітае тым, што тут знаходзіцца летняя рэзыдэнцыя Аляксандра Лукашэнкі. Яна таксама наўкола абнесена агароджай.
Як сьцьвярджаюць вяскоўцы, экспэрымэнтальная лесагаспадарка “Ляскавічы”, якой кіруе Васіль Бамбіза, у Дарашэвічах на месцы зачыненай фэрмы вырашыла пабудаваць яшчэ і гатэль для турыстаў. Да гатэлю прырэзаная і прырэчная зона. Яна і адгароджана высокім плотам да самага Кабачка. Тут дзяжурыць ахова і нікога не пускае да Прыпяці – ні рыбакоў, ні вяскоўцаў.
Гаворыць былая калгасная даярка з Дарашэвічаў Клаўдзія Кульчыцкая:
(Кульчыцкая: ) “Я пражыла 70 гадоў, сорак зь іх працавала на фэрме. Я ўжо цэлую Прыпяць малака надаіла сваімі рукамі. А цяпер прыедзе маё дзіця, дык няма дзе толкам пакупацца. Ідзі ў лягушатнік, у гліну. А там, дзе пясок, яны ж усё занялі”.
У начальніка зямельнай службы Петрыкаўскага раёну Аляксандра Вяргея я пацікавіўся, хто ж распарадзіўся адгарадзіць у Дарашэвічах вяскоўцаў ад Прыпяці?
(Вяргей: ) “Пра гэты плот я толькі пачуў сёньня раніцаю. Таму нічога сказаць не магу. Я толькі з адпачынку, не магу зарыентавацца. Проста не займаўся гэтаю справаю. Сельскі Савет прымае рашэньне наконт адводу зямельных участкаў на сваёй тэрыторыі, а мы кантралюем”, – сказаў начальнік зямельнай службы Аляксандр Вяргей.
Сакратарка Ляскавіцкага сельскага Савету Надзея Стэльмашок у сваю чаргу паведаміла:
(Стэльмашок: ) “Усе рашэньні ідуць празь мяне. Такога рашэньня я нікому не давала. Ніякага рашэньня мы не падпіcвалі і не выдавалі. Заўтра на тэрыторыі сельскага Савета будзе прэзыдэнт. Думаю, пытаньні будуць і да прэзыдэнта на такую тэму”, – лічыць сакратарка Ляскавіцкага сельскага Савету спадарыня Стэльмашок.
У Дарашэвічах людзі ня маюць сумневу, хто насамрэч распараджаецца падобным пераразьмеркаваньнем тэрыторыі:
(Мікалай: ) “Хто начальнік, той і пан. Улада ўся ў іх. І зьвязана гэта з прэзыдэнтам. Бамбіза захацеў – робіць тут, захацеў – робіць там. А для людзей – хрэн з табакаю”.
