Нацыянальная філярмонія Ўкраіны анансуе канцэрт-прысьвячэньне Нябеснай сотні да гадавіны падзей 20 лютага. Аб гэтым паведамляецца на яе старонцы ў Facebook.
Міністарка фінансаў Украіны Аксана Маркарава дала вялікае інтэрвію ўкраінскай службе Радыё Свабода, у якім сярод іншага ацаніла вынікі эканамічных рэформаў, праведзеных у краіне ва ўмовах вайны. Прапануем фрагмэнт, а таксама поўную відэавэрсію інтэрвію.
У Нямеччыне ў кулюарах Мюнхэнскай канфэрэнцыі ў пытаньнях бясьпекі прэзыдэнт Украіны Пятро Парашэнка правёў сустрэчу з генэральным сакратаром NATO Енсам Столтэнбэргам, падчас якой бакі абмеркавалі агрэсіўную палітыку Расеі ў дачыненьні да Ўкраіны.
Будучы прэзыдэнт Украіны павінен працягнуць курс на Эўропу, пры гэтым ён павінен браць прыклад зь беларускага калегі Аляксандра Лукашэнкі.
Украінскі культурны фонд, які на грамадзкіх пачатках ачольвае Марына Парашэнка, жонка дзейнага прэзыдэнта Ўкраіны, абнародаваў фінансавую справаздачу сваёй дзейнасьці ў 2018 годзе.
У жыцьці некаторых украінцаў, якія пайшлі добраахвотнікамі на вайну з сэпаратыстамі ў Данбасе, гэта быў ня першы ваенны канфлікт. Яшчэ ў 80-я гады гэтыя людзі былі па прызыву адпраўленыя ваяваць у чужую краіну — у Аўганістан.
Стан трох украінскіх маракоў, параненых пры затрыманьні караблёў у Керчанскай пратоцы, выклікае сур’ёзныя асьцярогі, асабліва ў будучыні. Пра гэта ў інтэрвію Радыё Свабода заявіла віцэ-прэзыдэнт Эўрапейскага інстытуту амбудсмэна Ніна Карпачова
ЗША і ЭЗ рыхтуюць новыя санкцыі ў дачыненьні да Расеі, якія будуць уведзены з прычыны інцыдэнту з захопам ўкраінскіх караблёў у Керчанскім праліве. Пра гэта паведамляе Financial Times са спасылкай на дыпляматычныя крыніцы.
Лідарка партыі «Бацькаўшчына» Юлія Цімашэнка двойчы ўзначальвала ўкраінскі ўрад і двойчы балятавалася на прэзыдэнта — у 2010 годзе яна зь нязначным адрывам прайграла выбары Януковічу, а ў 2014-м — Пятру Парашэнку.
Кацярына Гандзюк змагалася супраць незаконнай вырубкі лясоў
Гэта адбылося пасьля таго, як 9 лютага адзін з праваахоўнікаў выгукнуў «кладзіся, Бандэра» падчас затрыманьня актывістаў.
Першая намесьніца старшыні Вярхоўнай Рады Ўкраіны Ірына Герашчанка назвала неадэкватнымі дзеяньні супрацоўнікаў праваахоўных органаў падчас падзей у Кіеве 9 лютага.
Калі заганяць людзей у вузкую сетку катэгорый, дзе беларускай мове проста няма месца, дык яе і ня будзе. Каму гэта трэба? І навошта?
Пасьля затрыманьня групы людзей перад сустрэчай кандыдата ў прэзыдэнты Юліі Цімашэнкі з выбаршчыкамі на Кантрактовай плошчы ў Кіеве іх таварышы зладзілі бойку ля ўпраўленьня паліцыі, паведамляюць праваахоўнікі.
У чым асаблівасьці сёлетніх прэзыдынцкіх выбараў ва Ўкраіне? Як кандыдаты ці кандыдаткі абяцаюць спыніць вайну альбо перамагчы ў ёй? У «Зоне Свабоды» абмяркоўваюць аглядальніца ўкраінскай службы Свабоды Наталка Чурыкава, Юры Дракахруст, Валер Карбалевіч і Ганна Соўсь.
Цэнтральная выбарчая камісія Ўкраіны завяршыла рэгістрацыю кандыдатаў на выбарах прэзыдэнта, якія адбудуцца 31 сакавіка. Радыё Свабода публікуе поўны сьпіс 44 прэтэндэнтаў на пасаду кіраўніка дзяржавы.
Якое менавіта ведамства ахоўвае былога прэзыдэнта Украіны, не вядома.
Свабода сабрала асноўную інфармацыю пра пэрспэктывы эўрапейскай і эўраатлянтычнай інтэграцыі Ўкраіны. Такі стратэгічны курс 7 лютага быў замацаваны ў Асноўным Законе гэтай дзяржавы.
«Я жыву ў гэтай атмасфэры апошнія пяць гадоў, і пагрозы фізычнай ліквідацыі ў мой адрас кожны год гучаць ад тых ці іншых нацыянал-радыкалаў».
Вярхоўная Рада Ўкраіны перайменавала Днепрапятроўскую вобласьць у Січаслаўскую — гэтае рашэньне падтрымалі 240 з 355 народных дэпутатаў, зарэгістраваных у сэсійнай залі.
Вярхоўная Рада Ўкраіны прыняла прэзыдэнцкі закон аб унясеньні зьменаў у Канстытуцыю наконт стратэгічнага курсу Ўкраіны на ўступленьне ў Эўрапейскі Зьвяз і NATO.
Урад Украіны прыпыніў дзеяньне пагадненьня з Расеяй аб абмене прававой інфармацыяй, паведамляюць Украінскія інфармагенцтвы. Гэтаt рашэньне Кабінэт міністраў ухваліў 6 лютага.
Актор і бізнэсовец Уладзімір Зяленскі стаў лідэрам у прэзыдэнцкай кампаніі ва Ўкраіне — яго гатовыя падтрымаць 21,9% тых грамадзян, якія ўжо вызначыліся з выбарам і заявілі, што будуць браць удзел у галасаваньні на выбарах 31 сакавіка.
Фэдэральная падатковая служба (ФПС) Расеі сабрала інфармацыю аб уладальніках нерухомасьці ў анэксаваным Крыме, якія не зьяўляюцца грамадзянамі Расеі, каб зьбіраць зь іх падаткі.
Генэральная пракуратура Ўкраіны адкрыла крымінальную справу супраць Віктара Медзьведчука паводле артыкулаў «дзяржаўная здрада» і «замах на тэрытарыяльную цэласнасьць і недатыкальнасьць Украіны».
Пра гэта гаворыцца ў сёлетняй справаздачы Freedom in the World 2019 амэрыканскага дасьледчага цэнтру, прысьвечанай стану грамадзянскай і палітычнай свабоды ў сьвеце.
Анастасія Вашукевіч (Насьця Рыбка) перакананая, што яе вызвалілі з расейскай вязьніцы паводле распараджэньня Аляксандра Лукашэнкі.
Ва Ўкраіне завяршылася падача заяў патэнцыйнымі кандыдатамі на выбары прэзыдэнта 31 сакавіка.
Цэнтральная выбарчая камісія Ўкраіны ў панядзелак завяршыла прыём заяў аб вылучэньні ў прэзыдэнты краіны. У бліжэйшыя дні павінен быць вызначаны поўны сьпіс кандыдатаў.
Ва Ўкраіне завяршылася вылучэньне кандыдатаў на прэзыдэнта, выбары якога адбудуцца 31 сакавіка.
Керчанскі мост — «будоўля стагодзьдзя», як яго называлі расейскія СМІ — не прыстасаваны да тыповых для Крыму прыродным зьяваў.
Дэпутат Вярхоўнай Рады Надзея Саўчанка, які знаходзіцца пад арыштам, 3 лютага падала дакумэнты і заяву аб вылучэньні кандыдатам на пасаду прэзыдэнта Ўкраіны ў Цэнтральную выбарчую камісію.
Дзеючы прэзыдэнт Украіны Пятро Парашэнка падаў дакумэнты для рэгістрацыі кандыдатам у прэзыдэнты ў Цэнтральную выбарчую камісію.
Расейская праваслаўная царква зьяўляецца апошнім фарпостам прэзыдэнта Расеі Ўладзіміра Пуціна ва Ўкраіне, заявіў кіраўнік новай Праваслаўнай царквы Украіны мітрапаліт Эпіфаній. Напярэдадні інтранізацыі герарх даў інтэрвію ўкраінскай службе Радыё Свабода.
Усё праз закон «Пра асуджэньне камуністычнага і нацыянал-сацыялістычнага таталітарных рэжымаў ва Ўкраіне і забарону прапаганды іх сымболікі».
Ці ёсьць на ўкраінскіх выбарах галоўная тэма кампаніі? Як асноўныя кандыдаты прапануюць скончыць вайну?
Студэнт адлюстраваў вайсковы парад, і ўдзельнікі, і вайсковая тэхніка якога прадстаўленыя ў форме мужчынскіх палавых органаў.
Віталь Шкляраў, паліттэхноляг, ураджэнец Беларусі. Працаваў падчас праймэрыз у дэмакратычнай партыі ЗША на Сандэрса, на выбарах прэзыдэнта Расеі — на Сабчак, на выбарах прэзыдэнта Грузіі сёлета — на Вашадзэ. Цяпер ён працуе на ўкраінскіх выбарах. Як яны выглядаюць вачыма Віталя Шклярава?
На працягу 2018 гадоў у паліцыю Ўкраіны паступіла 1285 заяў і паведамленьняў аб зьдзяйсьненьні хатняга гвалту, якія падалі самі дзеці, паведаміў кіраўнік украінскай патрульнай паліцыі Аляксандр Фацевіч 31 студзеня.
Назіральная рада Нацыянальнай грамадзкай тэлерадыёкампаніі Ўкраіны 31 студзеня датэрмінова скасавала кантракт са старшынём праўленьня Зурабам Аласанія. Пра гэта намесьніца кіраўніка рады Сьвятлана Астапа паведаміла на сваёй старонцы ў Фэйсбуку.
Выканаўца абавязкаў міністра аховы здароўя Ўкраіны Ўляна Супрун заклікала людзей падпісаць пэтыцыю, зарэгістраваную ва ўкраінскім парлямэнце, з патрабаваньнем унесьці зьмены ў заканадаўства, каб канабіс можна было выкарыстоўваць у мэдычных і навуковых мэтах.
«Адбываецца грубае ўмяшаньне ў царкоўнае жыцьцё. Яго ініцыятары, нібы вучыліся ў бязбожнікаў мінулага стагодзьдзя, якія выганялі вернікаў з храмаў, труцілі і гналі сьвятароў».
Старшыня Дзяржаўнай памежнай службы Ўкраіны Пятро Цыгікал у інтэрвію Свабодзе заявіў, што ўлады Беларусі не павінны хвалявацца, што праз агульны ўчастак мяжы з тэрыторыі Ўкраіны незаконна перамесьцяць зброю.
Злучаныя Штаты заклікаюць улады Расеі аказаць дапамогу Паўлу Грыбу і іншым украінцам, якія ўтрымліваюцца ў расейскіх турмах. Пра гэта 30 студзеня паведаміла ў твітэры амбасада ЗША ва Ўкраіне.
Віцэ-сьпікер украінскага парлямэнту Ірына Герашчанка патрабуе ад місіі АБСЭ больш актыўнага ўдзелу ў рэалізацыі ўжо дасягнутых у Менску дамоўленасьцяў, а не прапаноўваць новыя нерэалістычныя пляны.
Cлужба бясьпекі Ўкраіны апублікавала дадзеныя, якія тычацца расейскай «прыватнай ваеннай кампаніі Вагнэра» і некаторых яе ўдзельнікаў. У сьпісе фігуруюць два беларусы — Аляксей Бярговін і Аляксандар Ступніцкі.
Украінская амбудсмэнка Людміла Дзянісава сьцьвярджае, што ўтрымоўваны ў Расеі ўкраінскі вязень Паўло Грыб знаходзіцца на мяжы жыцьця і сьмерці.
У шэрагах пратэстнага руху «жоўтых камізэлек» у Францыі распазналі французаў, якія ваявалі на Данбасе ў складзе груповак баевікоў «ЛНР» і «ДНР».
Кіраўнік «Данецкай народнай рэспублікі» Дзяніс Пушылін прызначыў на кіруючыя пасады былых функцыянэраў знакамітай фінансавай піраміды постсавецкай прасторы. Сам Пушылін быў адным з кіраўнікоў украінскага аддзяленьня «МММ».
Дзейны кіраўнік Украіны Пятро Парашэнка за пяць дзён да завяршэньня вылучэньня ў кандыдаты на прэзыдэнта абвясьціў пра свой удзел у выбарах 31 сакавіка.
Загрузіць яшчэ
