Лінкі ўнівэрсальнага доступу

СБУ: Сярод наймітаў ПВК Вагнэра ў Судане — двое беларусаў


Найміты ПВК Вагнэра ў Сірыі, архіўнае фота
Найміты ПВК Вагнэра ў Сірыі, архіўнае фота

Cлужба бясьпекі Ўкраіны апублікавала дадзеныя, якія тычацца расейскай «прыватнай ваеннай кампаніі Вагнэра» і некаторых яе ўдзельнікаў. У сьпісе фігуруюць два беларусы — Аляксей Бярговін і Аляксандар Ступніцкі.

У СБУ сьцьвярджаюць, што двое беларусаў езьдзілі ў Афрыку у складзе ПВК Вагнэр і маглі ўдзельнічаць ў задушэньні дэмакратычных пратэстаў у Судане. Гаворка ідзе пра 38-гадовага Аляксея Бярговіна з Горак і 29-гадовага аршанца Аляксандра Ступніцкага.

Таксама ў сьпісе, апублікаваным СБУ, фігуруюць грамадзяне Малдовы, Грузіі, Армэніі, Лібану.

Імя Ступніцкага ўжо ўсплывала ў справаздачы СБУ, апублікаванай мінулым летам. У ёй гаварылася пра 11 беларусаў, якія ваявалі на Данбасе ў складзе ПВК Вагнэра.

Аляксандар Ступніцкі, паводле дадзеных СБУ, браў удзел у складзе ПВК Вагнэра падчас баявых дзеяньняў у Сырыі.

«Прыватная ваенная кампанія Вагнэра» згадвалася падчас ваенных дзеяньняў у Сырыі, Судане, на Данбасе. Спэцслужбы розных краін ня раз выказвалі меркаваньне пра непасрэдную датычнасьць гэтай структуры да войскаў Расеі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG