Лінкі ўнівэрсальнага доступу

СБУ: у складзе расейскай групы «Вагнэр», што ваюе ў Сырыі і Ўкраіне, — 6 беларусаў


Наёмнікі з прыватнай ваеннай кампаніі «Вагнэр» у Сырыі
Наёмнікі з прыватнай ваеннай кампаніі «Вагнэр» у Сырыі

Служба бясьпекі Ўкраіны сёньня абнародавала прозьвішчы і пэрсанальныя дадзеныя 206 пазаштатных супрацоўнікаў Галоўнага ўпраўленьня Генэральнага штабу Ўзброеных сілаў Расеі, у тым ліку з прыватнай ваеннай кампаніі «Вагнэр», якія ваявалі на тэрыторыі Сырыі і Ўкраіны.

У пераліку — прозьвішчы грамадзян Расеі, Украіны, Малдовы, Армэніі, Казахстану, Узбэкістану і Беларусі.

Паводле інфармацыі СБУ, на дадзены момант беларускія грамадзяне з усіх замежнікаў ёсьць найбольшай нацыянальнай групай, прадстаўленай у расейскай вайсковай брыгадзе.

У прыватнасьці, гаворка ідзе пра шасьцёх асобаў, якія маюць грамадзянства Беларусі: Руслан Бабінін (1967 года нараджэньня зь Менску), Канстанцін Гірс (1986 года нараджэньня з Наваполацку), Эдвард Давыдаў (1991, з Іванава Берасьцейскай вобласьці), Сяргей Сазанаў (1972, з Гомельшчыны, Рэчыца), Аляксандар Ступніцкі (1989, з Воршы) і Вадзім Юшкевіч (1981, з Наваполацку). Паводле СБУ, усе яны бралі ўдзел у баявых дзеяньнях у Сырыі ў лютым 2018 году.

У СБУ пакрэсьлілі, што працягваюць далейшую працу «па выкрыцьці злачыннай дзейнасьці так званых прыватных ваенных кампаній, падкантрольных спэцслужбам Расеі».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG