Ігар Карней, Менск Патэнцыйным прызёрам будучых летніх Алімпійскіх гульняў у Пэкіне ўжо паабяцаныя ня толькі маральныя, але і матэрыяльныя дывідэнды. Напярэдадні новы кіраўнік фэдэрацыі коннага спорту Мікалай Дамашкевіч, які ў чэрвені зьмяніў на гэтай пасадзе былога кіраўніка адміністрацыі прэзыдэнта Ўрала Латыпава, заявіў: за кожны мэдаль беларускі спартовец і трэнэр атрымаюць катэджы ў Ратамцы пад Менскам, дзе месьціцца Рэспубліканскі цэнтар коннага спорту і конегадоўлі. Між тым, пасьля эпохі алімпійскага чэмпіёна Віктара Ўгрумава посьпехаў у гэтай дысцыпліне беларусам бракавала. У зьвязку з чым падобныя заявы? Можа таму, што рэалізаваць задумы аб’ектыўна праблематычна?