Алена Струвэ, Менск Нямецкая радыёстанцыя "Deutsche Welle", якая мелася адкрыць сваё вяшчаньне на Беларусь напрыканцы кастрычніка штодзённымі 15-хвіліннымі праграмамі, праўдападобна, пачне рабіць гэта раней і штодзённы аб’ём вяшчаньня павялічыцца да паўгадзіны. Гэтыя зьмены выкліканыя тым, што нямецкая тэлерадыёкарпарацыя стала пераможцам тэндэру Эўракамісіі на адкрыцьцё замежнага вяшчаньня на Беларусь. Як паведамілі ў прэсавай службе Эўракамісіі, дадатковае фінансаваньне Брусэлю будучых перадачаў “Deutsche Welle” складзе каля 138 тысячаў эўра ў год.