Ігар Карней, Менск Заплянаваны на сёньня чарговы нумар “Белорусской деловой газеты” ня выйшаў. Нягледзячы на тое, што Міністэрства інфармацыі быццам падоўжыла тэрмін перарэгістрацыі выданьняў, якія ўжываюць ў сваіх назвах словы “беларускі” і “нацыянальны”, выдавец Пётар Марцаў кажа, што надрукавацца пад назвай “Белорусская деловая газета” ў друкарні ўжо немагчыма – дамова падпісваецца на месяц і там разумеюць, што пад старой назвай друкаваць газэту ўжо не давядзецца. Пасьведчаньне аб рэгістрацыі пад назвай “БДГ. Деловая газета” выданьне пакуль так і не атрымала. Паводле Марцава, кола замкнулася. Наш карэспандэнт высьвятляў: якія ўсё ж тэрміны незарэгістраваныя выданьні з аднаго боку і Мінінфармацыі – з другога, лічаць канчатковымі. Што з гэтай нагоды думае той жа спадар Марцаў, прадстаўнікі міністэрства?