Нагадаю, што далучэньне Ўкраіны да цытаванай заявы Эўрапейскага Зьвязу адбылося на фоне шэрагу ініцыятываў Украіны для дэмакратызацыі постсавецкай прасторы. Некалькі дзён таму Ўкраіна далучылася да заявы брытанскага старшынёўства Эўразьвязу, у якой падтрымліваецца ідэя тэхнічнае дапамогі на адрас Беларусі пры падрыхтоўцы выбараў беларускага прэзыдэнта.
Прэс-сакратар украінскага Міністэрства замежных справаў Васіль Філіпчук адзначае, што абарона дэмакратычных каштоўнасьцяў не зьяўляецца ўмяшаньнем ва ўнутраныя справы Беларусі:
(Філіпчук: ) "Я хацеў бы адзначыць, што перш за ўсё пытаньне ўнутранага жыцьця краіны ў тым разуменьні, ў якім яно існавала за часам халоднай вайны ці ў 19-м стагодзьдзі – яно больш не існуе. У прыватнасьці, калі гаварыць пра пытаньне дэмакратыі ў Беларусі, я хацеў бы нагадаць, што Беларусь узяла на сябе забавязаньні ў рамках Стамбульскага саміту АБСЭ ў 1999 годзе забясьпечыць адкрытую, празрыстую і дэмакратычную працэдуру выбарчага працэсу, стварыць умовы для дзейнасьці мірнай палітычнай апазыцыі й грамадзянскай супольнасьці, вольнага ад страху. Забясьпечыць выражэньне ўсіх пунктаў гледжаньня грамадзтва ў СМІ, вольных ад дзяржаўнае цэнзуры.
Вось такія забавязнаньні, якія датычаць унутранага жыцьця, ужо зьяўляюцца міжнароднымі. Мы сочым, каб і ўнутры нашае дзяржавы, і ў суседніх краінах нормы жыцьця былі адпаведныя да міжнародных абавязацельстваў".
Спадар Філіпчук адзначыў, што ўкраінскі бок прыкладае ўсе намаганьні, каб захады Ўкраіны для дэмакратызацыі Беларусі ня сталі прычынаю пахаладаньня ў адносінах паміж Кіевам і Менскам. Наадварот, Украіна імкнецца да канструктыўнага дыялёгу зь беларускім кіраўніцтвам, прыкладам чаго зьяўляецца сустрэча прэзыдэнтаў і міністраў замежных справаў дзьвюх краінаў на саміце СНД у Казані.
Прэс-сакратар украінскага Міністэрства замежных справаў Васіль Філіпчук адзначае, што абарона дэмакратычных каштоўнасьцяў не зьяўляецца ўмяшаньнем ва ўнутраныя справы Беларусі:
(Філіпчук: ) "Я хацеў бы адзначыць, што перш за ўсё пытаньне ўнутранага жыцьця краіны ў тым разуменьні, ў якім яно існавала за часам халоднай вайны ці ў 19-м стагодзьдзі – яно больш не існуе. У прыватнасьці, калі гаварыць пра пытаньне дэмакратыі ў Беларусі, я хацеў бы нагадаць, што Беларусь узяла на сябе забавязаньні ў рамках Стамбульскага саміту АБСЭ ў 1999 годзе забясьпечыць адкрытую, празрыстую і дэмакратычную працэдуру выбарчага працэсу, стварыць умовы для дзейнасьці мірнай палітычнай апазыцыі й грамадзянскай супольнасьці, вольнага ад страху. Забясьпечыць выражэньне ўсіх пунктаў гледжаньня грамадзтва ў СМІ, вольных ад дзяржаўнае цэнзуры.
Вось такія забавязнаньні, якія датычаць унутранага жыцьця, ужо зьяўляюцца міжнароднымі. Мы сочым, каб і ўнутры нашае дзяржавы, і ў суседніх краінах нормы жыцьця былі адпаведныя да міжнародных абавязацельстваў".
Спадар Філіпчук адзначыў, што ўкраінскі бок прыкладае ўсе намаганьні, каб захады Ўкраіны для дэмакратызацыі Беларусі ня сталі прычынаю пахаладаньня ў адносінах паміж Кіевам і Менскам. Наадварот, Украіна імкнецца да канструктыўнага дыялёгу зь беларускім кіраўніцтвам, прыкладам чаго зьяўляецца сустрэча прэзыдэнтаў і міністраў замежных справаў дзьвюх краінаў на саміце СНД у Казані.
