Павал Зубюк, Кіеў У кіеўскім Цэнтры сучаснага мастацтва на старажытным Падоле пачала працаваць выстава “БАЛОТА EMPIRE”, першая за апошнія гады выстава беларускіх мастакоў. Праект прадстаўляе працы вядомых беларускіх мастакоў: Руслана Вашкевіча, Артура Клінава, Сяргея Войчанкі і Ўладзімера Цесьляра. Выстава прысьвечана памяці Сяргея Войчанкі, які нядаўна пакінуў гэты сьвет, “але ён усё роўна сярод нас”, як зазначылі ўдзельнікі выставы.