Ул. інф. Беларускі паэт Алесь Разанаў, ляўрэат прэстыжнай эўрапейскай прэміі імя Ёгана Готфрыда Гердэра па-ранейшаму застаецца ў рэанімацыйным аддзяленьні бонскай унівэрсытэцкай клінікі, куды ён трапіў каля тыдня таму з пачатковым дыягназам – інфаркт. Сёньня нямецкія мэдыкі, аднак, не гатовыя пацьвердзіць гэты дыягназ. Адначасова, яны сьведчаць пра тое, што хворы выйшаў з комы, і стан ягонага здароўя паступова нармалізуецца.
