Заплянаваны васьмітомнік дырэктар “Мастацкай літаратуры” Уладзіслаў Мачульскі рэклямаваў у прысутнасьці Васіля Быкава на міжнародным кніжным кірмашы ў Франкфурце-на-Майне яшчэ ў 2002 годзе, аднак выданьне першага тому неаднаразова пераносілася. Год таму ўсе прэтэнзіі выдаўцоў былі палагоджаныя, гаворыць укладальнік і аўтар прадмовы да выданьня доктар філялёгіі Міхась Тычына.
(Тычына: ) “У тым верасьні мы ўжо вычыталі карэктуру. Том быў зьвярстаны. Прадмову да яго разы тры мянялі, бо кожны, хто чытаў, меў нейкія прэтэнзіі, – у асноўным чыста палітычныя моманты”.
Тым ня менш, і сёлета цалкам падрыхтаваны да друку першы том ня выйшаў. Ня ўнесены ён у выдавецкія пляны і на 2005 год. На маё пытаньне, чаму, галоўны рэдактар выдавецтва Віктар Праўдзін адказаў наступнае.
(Праўдзін: ) “На ўсіх імпрэзах задаюць нейкія дзікія пытаньні: чаго мы Караткевіча не выдаём, чаго мы таго не выдаём, чаго мы Быкава не выдаём? Божа мой, у нас чатырыста выдавецтваў! Дык выдавайце, людзі, калі вы лічыце, што тут яны ня выходзяць, ну!”
Укладальнік васьмітомніку Міхась Тычына са шкадаваньнем гаворыць пра няспраўджаныя абяцаньні дзяржаўных выдаўцоў.
(Тычына: ) “Карацей, змарнавалі час, працу, дый усё… Атрымалася зусім ня тое, што плянавалі. А пляны былі выдатныя: так, як робіцца ў акадэмічнай навуцы – тэксталёгію па ўсіх правілах навукі мы рыхтавалі, з камэнтарамі, храналягічна… Быкаў у гэтым выданьні сапраўды быў бы Быкавым”.
(Тычына: ) “У тым верасьні мы ўжо вычыталі карэктуру. Том быў зьвярстаны. Прадмову да яго разы тры мянялі, бо кожны, хто чытаў, меў нейкія прэтэнзіі, – у асноўным чыста палітычныя моманты”.
Тым ня менш, і сёлета цалкам падрыхтаваны да друку першы том ня выйшаў. Ня ўнесены ён у выдавецкія пляны і на 2005 год. На маё пытаньне, чаму, галоўны рэдактар выдавецтва Віктар Праўдзін адказаў наступнае.
(Праўдзін: ) “На ўсіх імпрэзах задаюць нейкія дзікія пытаньні: чаго мы Караткевіча не выдаём, чаго мы таго не выдаём, чаго мы Быкава не выдаём? Божа мой, у нас чатырыста выдавецтваў! Дык выдавайце, людзі, калі вы лічыце, што тут яны ня выходзяць, ну!”
Укладальнік васьмітомніку Міхась Тычына са шкадаваньнем гаворыць пра няспраўджаныя абяцаньні дзяржаўных выдаўцоў.
(Тычына: ) “Карацей, змарнавалі час, працу, дый усё… Атрымалася зусім ня тое, што плянавалі. А пляны былі выдатныя: так, як робіцца ў акадэмічнай навуцы – тэксталёгію па ўсіх правілах навукі мы рыхтавалі, з камэнтарамі, храналягічна… Быкаў у гэтым выданьні сапраўды быў бы Быкавым”.
