Міхал Стэльмак, Менск 8 сакавіка беларускія прадпрымальнікі, як мяркуецца, прадоўжаць распачаты 1 сакавіка агульнанацыянальны страйк супраць увядзеньня падатку на дабаўленую вартасьць на тавары, што ўвозяцца з Расеі. Нагадаю, што ўчора, паводле зьвестак грамадзкага аб’яднаньня “Пэрспэктыва”, акцыя працягвалася ў Горадні, Баранавічах, Барысаве, Салігорску, Пінску, Слуцку, і іншых гарадах. У шэрагу рэгіёнаў частка гандляроў выйшла на працу.