Апоўдні ў парку Жылібэра пасьпелі сабрацца прыблізна сто прадпрымальнікаў. На іх адразу пайшлі амонаўцы ў чорных шлемах. Людзі мусілі разыходзіцца з парку, амонаўцы працягвалі іх перасьледаваць.
Некалькіх чалавек затрымалі і пасадзілі ў мікрааўтобус, які чакаў на плошчы Тызэнгаўза. На маіх вачах два амонаўцы павялі пад рукі Юлію Дарашкевіч, якая спрабавала фатаграфаваць міліцэйскую акцыю. Аднак потым дзяўчыну адпусьцілі, дзякуючы яе журналісцкаму пасьведчаньню.
Цэнтар гораду ў гэты час нагадваў месца міліцэйскіх вучэньняў. Уваход у аблвыканкам перакрыў ланцуг амонаўцаў у шлемах. На плошчы Леніна перад гарвыканкамам шыхтаваліся, праводзілі перагрупоўку прыблізна сто міліцыянтаў — большая частка ў белых мэталічных шлемах, астатнія — у чорных.
Каля аблвыканкаму на скрыжаваньні вуліц Ажэшкі і Сацыялістычнай былі выключаныя сьветлафары. Гараджане пачалі спыняцца, зьдзіўленыя падзеямі, якія адбываліся навокал. Аднак узвод амонаўцаў у чорных шлемах і чорных масках пачаў разганяць людзей, забараняючы стаяць на тратуарах. Сярод прадпрымальнікаў нават зьявілася чутка, што ў Горадню мог прыехаць сам Аляксандар Лукашэнка. Але праз гадзіну, міліцыянты, разагнаўшы людзей, пагрузіліся ў машыны і пакінулі цэнтар гораду.
Сьведкам падзеі быў генэрал Валеры Фралоў. Ён выказаў Радыё Сваобода свае меркаваньні пра цяперашні канфлікт паміж уладамі і прадпрымальнікамі:
(Фралоў: ) “Сама ўлада справакавала такія паводзіны прадпрымальнікаў. І я думаю: там сур’ёзна задумаліся, і Лукашэнка там абяцае па якіхсьці рынках езьдзіць. Усё-ткі трэба ж нейкія меры прымаць нармальныя. Я думаю, яны ў значнай ступені будуць залежаць ад таго — наколькі прадпрымальнікі гатовыя змагацца да канца. Калі яны будуць гатовыя змагацца, я думаю, што і ўлада пойдзе насустрач, яна нікуды ня дзенецца. Усё-ткі гэта сіла, гэта грошы, гэта людзі, гэта наш народ, як гаворыцца”.
А вось як пракамэнтаваў генэрал Фралоў сёньняшнія дзеяньні гарадзенскіх уладаў:
(Фралоў: ) “Улада ўсё-ткі вырашыла штосьці зрабіць нарэшце. Народ выходзіць і выходзіць, прыходзіцца губэрнатару да яго выходзіць. Ну, канечне, яму ня хочацца выходзіць. І такі элемэнтарны спосаб прыдумалі —прыгналі АМОН і дэманструюць сілу. Як у той песьні: за народную ўладу са сваім жа народам змагаюцца”.
На здымку: Гарадзенскі АМОН на скрыжаваньні вуліц Ажэшкі і Сацыялістычнай. Здымак зроблены 4 сакавіка, сёньня фатаграфаваць забаранялася.
Некалькіх чалавек затрымалі і пасадзілі ў мікрааўтобус, які чакаў на плошчы Тызэнгаўза. На маіх вачах два амонаўцы павялі пад рукі Юлію Дарашкевіч, якая спрабавала фатаграфаваць міліцэйскую акцыю. Аднак потым дзяўчыну адпусьцілі, дзякуючы яе журналісцкаму пасьведчаньню.
Цэнтар гораду ў гэты час нагадваў месца міліцэйскіх вучэньняў. Уваход у аблвыканкам перакрыў ланцуг амонаўцаў у шлемах. На плошчы Леніна перад гарвыканкамам шыхтаваліся, праводзілі перагрупоўку прыблізна сто міліцыянтаў — большая частка ў белых мэталічных шлемах, астатнія — у чорных.
Каля аблвыканкаму на скрыжаваньні вуліц Ажэшкі і Сацыялістычнай былі выключаныя сьветлафары. Гараджане пачалі спыняцца, зьдзіўленыя падзеямі, якія адбываліся навокал. Аднак узвод амонаўцаў у чорных шлемах і чорных масках пачаў разганяць людзей, забараняючы стаяць на тратуарах. Сярод прадпрымальнікаў нават зьявілася чутка, што ў Горадню мог прыехаць сам Аляксандар Лукашэнка. Але праз гадзіну, міліцыянты, разагнаўшы людзей, пагрузіліся ў машыны і пакінулі цэнтар гораду.
Сьведкам падзеі быў генэрал Валеры Фралоў. Ён выказаў Радыё Сваобода свае меркаваньні пра цяперашні канфлікт паміж уладамі і прадпрымальнікамі:
(Фралоў: ) “Сама ўлада справакавала такія паводзіны прадпрымальнікаў. І я думаю: там сур’ёзна задумаліся, і Лукашэнка там абяцае па якіхсьці рынках езьдзіць. Усё-ткі трэба ж нейкія меры прымаць нармальныя. Я думаю, яны ў значнай ступені будуць залежаць ад таго — наколькі прадпрымальнікі гатовыя змагацца да канца. Калі яны будуць гатовыя змагацца, я думаю, што і ўлада пойдзе насустрач, яна нікуды ня дзенецца. Усё-ткі гэта сіла, гэта грошы, гэта людзі, гэта наш народ, як гаворыцца”.
А вось як пракамэнтаваў генэрал Фралоў сёньняшнія дзеяньні гарадзенскіх уладаў:
(Фралоў: ) “Улада ўсё-ткі вырашыла штосьці зрабіць нарэшце. Народ выходзіць і выходзіць, прыходзіцца губэрнатару да яго выходзіць. Ну, канечне, яму ня хочацца выходзіць. І такі элемэнтарны спосаб прыдумалі —прыгналі АМОН і дэманструюць сілу. Як у той песьні: за народную ўладу са сваім жа народам змагаюцца”.
На здымку: Гарадзенскі АМОН на скрыжаваньні вуліц Ажэшкі і Сацыялістычнай. Здымак зроблены 4 сакавіка, сёньня фатаграфаваць забаранялася.
