Расейская праваслаўная царква створыць экзархат (намесьніцтва) у Заходняй Эўропе. Рашэньне аб гэтым было прынятае ў пятніцу на Сынодзе царквы ў Маскве.
Завяршылася пасяджэньне Сьвятога сыноду Грузінскай праваслаўнай царквы, якое праходзіла 27 сьнежня цягам амаль трох гадзін.
Папа рымскі Францішак зьвярнуўся да вернікаў з традыцыйным пасланьнем «Urbi et orbi» («Гораду і сьвету») з нагоды Раства.
Урад Іраку абвясьціў Раство дзяржаўным сьвятам. Напярэдадні краіну наведаў дзяржаўны сакратар Ватыкану кардынал П’етра Паралін.
Сэрбская праваслаўная царква падрывае незалежнасьць Чарнагорыі, таму чарнагорскія ўлады дабіваюцца аднаўленьня аўтакефальнай Чарнагорскай праваслаўнай царквы.
«Дастае пісталет і кажа: мы можам вас расстраляць», — украінскі архіяпіскап Філарэт апавёў пра супрацоўніцтва царквы і КДБ.
Невядомыя, прыкрыўшыся імем дэпутата Эўрапейскага парлямэнта, спрабавалі ў размове справакаваць прадстаяцеля Праваслаўнай царквы Ўкраіны, мітрапаліта Кіеўскага і ўсяе Ўкраіны Эпіфанія. Аб гэтым паведамляецца на старонцы Праваслаўнай царквы Ўкраіны ў Фэйсбуку.
Пётар Парашэнка падпісаў закон, які абавязвае царкву, кіруючы цэнтар якой знаходзіцца ў краіне, прызнанай ва Ўкраіне агрэсарам або якая акупуе частку тэрыторыі Ўкраіны, згадваць пра свой замежны статус у назьве.
Праваслаўная царква Ўкраіны мае каля 7 тысяч парафій, заявіў яе новавыбраны прадстаяцель Эпіфаній у эфіры тэлеканала «1+1».
Менская эпархія пастанавіла правесьці «тлумачальную працу» ў сваіх прыходах аб пазыцыі РПЦ у царкоўным канфлікце ва Ўкраіне, немагчымасьці супольных служэньняў і ўдзелу ў таінствах.
Пракуратура штату Ілінойс западозрыла амаль 700 сьвятароў у сэксуальных дамаганьнях да дзяцей. Інфармацыя аб злачынствах апублікаваная ў дакладзе пракуратуры штата.
Патрыярх Маскоўскі і ўсяе Русі Кірыл зьвярнуўся да кіраўнікоў іншых праваслаўных цэркваў сьвету з заклікам не ўступаць у зносіны з створанай ва Ўкраіне новай праваслаўнай царквой.
Украінская царква, якая падпарадкоўваецца маскоўскаму патрыярху Кірылу, павінна адлюстраваць сваё расейскае паходжаньне ў назьве.
На думку арцыбіскупа Кандрусевіча, Беларусі варта пераняць досьвед Літвы — каб сэмінарысты хадзілі ў войска на пару месяцаў, і то раз на 5 гадоў.
Як будзе ўплываць стварэньне памеснай аўтакефальнай праваслаўнай царквы ва Ўкраіне на ўкраінска-беларускія дачыненьні і на сытуацыю ў Беларусі?
Праваслаўны сьвятар з аграгарадка Міханавічы завёў відэаблог на ютубе і за два гады стаў адным з самых папулярных блогераў праваслаўнай царквы.
17 сьнежня Папская рада па культуры абнародавала інструкцыю пад назвай «Закрыцьцё і новае касьцельнае выкарыстаньне сьвятыняў» (La dismissione e il riuso ecclesialedi chiese).
Папа Францішак у аўторак асудзіў нацыяналістычных палітыкаў, якія вінавацяць мігрантаў у праблемах сваіх краінаў і самі сеюць у грамадзтве недавер, праводзячы ксэнафобскую і расісцкую палітыку з мэтай павышэньня папулярнасьці.
«Стварэньне царквы — гэта гістарычны момант для Ўкраіны», — гаворыцца ў паведамленьні.
15 сьнежня на Аб’яднаўчым саборы ў Кіеве абралі галаву адзінай Украінскай памеснай праваслаўнай царквы — Эпіфанія. Ён быў мітрапалітам Пераяслаўскім і Белацаркоўскім, рэктарам Кіеўскай праваслаўнай багаслоўскай акадэміі.
Украінская праваслаўная царква Маскоўскага патрыярхату сёньня на пазачарговым сынодзе ўхваліла рашэньне аб звальненьні двух эпіскапаў, якія ўзялі ўдзел у аб’яднаўчым саборы 15 сьнежня па стварэньні адзінай памеснай царквы ва Ўкраіне.
16 сьнежня раніцай новаабраны першаярарх Праваслаўнай царквы Ўкраіны мітрапаліт Эпіфаній правёў першую літургію ў Міхайлаўскім саборы ў Кіеве.
Беларускі сьвятар а. Аляксандар Шрамко мяркуе заўчасным казаць пра аб’яднаньне ўсіх праваслаўных плыняў ва Ўкраіне, нягледзячы на сёньняшняе абвяшчэньне аб стварэньні адзінай памеснай царквы і выбары яе першагерарха.
Новаабраны мітрапаліт памеснай Праваслаўнай царквы Ўкраіны Эпіфаній зьвярнуўся да людзей на Сафійскай плошчы ў Кіеве.
Як разьвіваліся адносіны паміж цэрквамі ад зьяўленьня хрысьціянства на Русі? Глядзіце пра гэта ў відэа.
Царква будзе мець аўтакефальныя правы, але ейны статус вызначаны як мітраполія Канстантынопальскага патрыярхату.
Застаецца дзень да аб’яднаўчага сабору ў кіеўскай Сафіі, на якім мусяць абвясьціць аб стварэньні ва Ўкраіне адзінай памеснай праваслаўнай царквы і выбраць яе прадстаяцеля.
Канстантынопальскі патрыярх мае ўручыць УПЦ томас аб аўтакефаліі 6 студзеня 2019 году, мяркуюць ва Ўкраіне. Выбары мітрапаліта аб’яднанай Украінскай праваслаўнай царквы чакаюцца 15 сьнежня.
У Андрэеўскай царкве ў Кіеве 13 сьнежня адбылася першая архірэйская літургія ў нядаўна адноўленай стаўрапігіі Сусьветнага патрыярхату ва ўкраінскай сталіцы.
Дзяржаўны дэпартамэнт ЗША апублікаваў штогадовую справаздачу пра рэлігійную свабоду за 2017 год. Матэрыялы для справаздачы зьбіралі амбасады ЗША.
У Кіеве рыхтуюцца да аб’яднаўчага сабору для стварэньня адзінай памеснай Украінскай праваслаўнай царквы, нягледзячы на ціск з Масквы. Аб’яднаўчы сабор у Кіеве прызначаны на 15 сьнежня.
Сынод Украінскай праваслаўнай царквы Маскоўскага патрыярхату абмеркаваў сытуацыю, якая склалася ў сувязі з «дзеяньнямі Канстантынопальскага Патрыярха Варфаламея, і ціскам з боку ўкраінскай дзяржавы».
Папа Францішак падкрэсьлівае, што сьвятары павінны выконваць зарок бясшлюбнасьці.
Афіцыйны прадстаўнік Беларускай праваслаўнай царквы Сяргей Лепін у сваім фэйсбуку выказаўся з нагоды абмеркаваньня беларускага падручніка расейскай літаратуры.
Беларусь заняла 13-е месца паводле рэлігійнасьці сярод 34 краінаў Эўропы, сьведчыць дасьледаваньне, апублікаванае амэрыканскім цэнтрам Pew.
Служба бясьпекі Украіны паведаміла, што падчас ператрусаў у памяшканьнях УПЦ (Маскоўскага патрыярхату) і прыватных будынках, якія належаць прадстаўнікам гэтай канфэсіі, «выявілі прыкметы функцыянаваньня арганізаванай сеткі распаўсюду матэрыялаў, якія распальваюць рэлігійную варожасьць».
Прэзыдэнт Украіны Пятро Парашэнка заявіў, што Канстантынопальскі патрыярхат прызначыў на 15 сьнежня правядзеньне аб’яднаўчага сабору праваслаўных цэркваў краіны, на якім абвесьцяць аб стварэньні адзінай памеснай царквы і выберуць яе кіраўніка.
Служба бясьпекі Ўкраіны паведаміла пра ператрусы ў настаяцеля Сьвята-Ўсьпенскай Кіева-Пячэрскай ляўры мітрапаліта Паўла.
Судзьдзя Першамайскага раённага суду Сьвятлана Чараповіч спыніла адміністрацыйную справу супраць сьвятара Беларускай аўтакефальнай праваслаўнай царквы айца Вікенція, якога 26 лістапада затрымала міліцыя падчас зьбіраньня міласьціны.
Архірэйскі Сынод Сусьветнага патрыярхату ў Стамбуле 29 лістапада зацьвердзіў праект статуту для аўтакефальнай Украінскай праваслаўнай царквы.
«Мала таго, што 20 гадоў царкву не рэгіструюць, дык і міласьціну на царкву не даюць зьбіраць па людзях. Жыві як хочаш. А цяпер яшчэ і судзіць за гэта будуць», — кажа Свабодзе сьвятар непрызнанай Беларускай аўтакефальнай праваслаўнай царквы.
Мітрапаліт Павел станоўча адказаў на просьбу вернікаў аднавіць беларускамоўныя службы ў прыходзе ў гонар Архангела Міхаіла.
Біскуп беларускага Саюзу эвангельскіх хрысьціян баптыстаў (ЭХБ) Леанід Міховіч асудзіў заявы праваслаўнага мітрапаліта Менскага і Заслаўскага, патрыяршага экзарха ўсяе Беларусі Паўла пра баптыстаў.
Двое першакурсьнікаў зь Пінскай і Горадзенскай каталіцкіх сэмінарый павінны зьявіцца з рэчамі ў прызыўныя пункты 28 лістапада. Цяпер першыя курсы абедзьвюх сэмінарый, усяго 10 чалавек, займаюцца ў Менску.
27 лістапада ў Стамбуле пачынаецца трохдзённае пасяджэньне сыноду Усяленскага патрыярхату, на якім, як чакаецца, прымуць рашэньне аб зацьвярджэньні томасу аб аўтакефаліі для Ўкраінскай праваслаўнай царквы.
Міністэрства юстыцыі Ўкраіна адмяніла рашэньне аб дзяржаўнай рэгістрацыі права Ўкраінскай праваслаўнай царквы (Маскоўскага патрыярхату) карыстацца маёмасьцю на тэрыторыі Пачаеўскай ляўры ў Цярнопальскай вобласьці.
Першая намесьніца міністра юстыцыі Ўкраіны Алена Сукманава заявіла, што камісія міністэрства адмяніла рашэньне аб дзяржаўнай рэгістрацыі права карыстаньня на комплекс збудаваньняў Сьвята-Ўсьпенскай Пачаеўскай лаўры рэлігійнай арганізацыяй «Пачаеўская Сьвята-Усьпенская лаўра».
Сынод Сусьветнага патрыярхату зацьвердзіць Томас для памеснай Украінскай праваслаўнай царквы за пасяджэньні ад 27 да 29 лістапада, заявіў прэзыдэнт Украіны Пятро Парашэнка.
Рукапіснае Эвангельле, якое паходзіць з Наваградчыны, украінскія гісторыкі і мовазнаўцы называюць помнікам галіцка-валынскай традыцыі пісьменства і найкаштоўнейшай крыніцай вывучэньня ўкраінскае мовы.
Вернікі прыходу сьвятога Архангела Міхаіла, што ў менскім мікрараёне Сухарава, перадалі кіраўніку Беларускай праваслаўнай царквы мітрапаліту Паўлу зварот у сувязі з скасаваньнем беларускамоўных літургіяў, якія служыліся штонядзелі з сакавіка 2015 году.
Загрузіць яшчэ
