Дзярждэпартамэнт ЗША назваў асноўныя праблемы рэлігійнага жыцьця Беларусі

Дзяржаўны дэпартамэнт ЗША апублікаваў штогадовую справаздачу пра рэлігійную свабоду за 2017 год. Матэрыялы для справаздачы зьбіралі амбасады ЗША.

Што ў дакладзе?

Рэлігійныя свабоды ў Беларусі:

1. Канстытуцыя гарантуе грамадзянам свабоду веравызнаньня.
2. Беларуская праваслаўная царква мае прывілеяванае становішча.

   

3. Зарэгістраваныя рэлігійныя групы мусяць узгадняць актыўнасьці па-за межамі сваіх памяшканьняў і атрымліваць дзяржаўны дазвол на імпарт і распаўсюд рэлігійнай літаратуры.
4. Забараняецца дзейнасьць усіх незарэгістраваных рэлігійных супольнасьцяў. Рэлігійныя грамады, у тым ліку баптысцкія, працягваюць мець праблемы з рэгістрацыяй. Пратэстанты ды іншыя рэлігійныя меншасьці маюць праблемы з атрыманьнем памяшканьняў. Прадстаўнікі гэтых суполак сьцьвярджаюць, што замежныя місіянэры маюць цяжкасьці з атрыманьнем беларускай візы.
5. Лідэры юдаізму працягваюць выказваць заклапочанасьць штогадовымі акцыямі БПЦ, зьвязанымі з забойствам нібыта габрэямі хлопчыка каля Заблудава ў 1690 годзе.

Дзе парушаюць рэлігійныя свабоды?

1. Сыстэматычна рэлігійныя свабоды парушаюць у Мʼянме, Іране, Кітаі, Пакістане, Саудаўскай Арабіі, Паўночнай Карэі, Судане, Таджыкістане, Туркмэністане і Эрытрэі.
2. Сурʼёзныя парушэньні дапускаюць у Расеі, Узбэкістане і на Каморскіх астравах.

ГЛЯДЗІЦЕ ТАКСАМА:

Чаму ў беларускіх школах выкладаюць факультатыў «Асновы праваслаўнай культуры»