Лінкі ўнівэрсальнага доступу

Улады Іраку зрабілі Раство дзяржаўным сьвятам


У Багдадзе прадаюццца падарункі на Раство, сьнежань 2015
У Багдадзе прадаюццца падарункі на Раство, сьнежань 2015

Урад Іраку абвясьціў Раство дзяржаўным сьвятам. Напярэдадні краіну наведаў дзяржаўны сакратар Ватыкану кардынал П’етра Паралін. У мясцовай хрысьціянскай супольнасьці выказалі надзею, што гэты візыт стане перадумовай для візыту ў Ірак папы рымскага Францішка.

У пачатку 1990-х гадоў у Іраку жылі прыблізна паўтара мільёна хрысьціян. У мінулым годзе іх было ўжо толькі крыху больш за 200 тысяч. Большасьць насельніцтва Іраку вызнае іслам. Хрысьціянскія сьвяты на дзяржаўным узроўні да цяперашняга моманту не адзначаліся.

Хрысьціяне ў большасьці выпадкаў падвяргаюцца ганеньням з боку тэрарыстычнай групоўкі «Ісламская дзяржава». Як адзначае хрысьціянская праваабарончая арганізацыя «Open Doors», Ірак займае восьмае месца ў сьпісе краін, дзе хрысьціяне церпяць ганеньні.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG