Уладзімер Глод, Менск Цяперашняя выбарчая кампанія ў Палату прадстаўнікоў паказвае, што ўжо на пачатковым этапе, апазыцыя нарабіла шмат юрыдычных памылак. Напрыклад, у склад ініцыятыўных групаў трапілі замежныя грамадзяне, непаўнагадовыя, псыхічна хворыя, на падставе чаго акруговыя камісіі, а потым Цэнтрвыбаркам і Вярхоўны суд адмовілі патэнцыйным кандыдатам у рэгістрацыі іхных групаў. Між тым, вядома, што на адпаведнае навучэньне былі выдаткаваныя пэўныя сродкі, для кандыдатаў у дэпутаты выпусьцілі адмысловыя “Дапаможнікі”. І ўсё ж пазьбегнуць памылак многія не змаглі. Чаму так атрымліваецца?
