Судзьдзя Натальля Вайцэховіч з Цэнтральнага суду Менску адхіліла скаргу на незаконнае ўтрыманьне пад вартай Міхаіла Марыніча. Вызваленьня Марыніча дамагалася ягоная адвакатка Вера Страмкоўская. Яна спасылалася на адсутнасьць актыўных сьледчых дзеяньняў і аспрэчвала верагоднасьць ягоных уцёкаў з-пад сьледзтва ў выпадку зьмены меры стрыманьня. Судзьдзя пагадзілася з пастановай пракуратуры, паводле якой Міхаіл Марыніч будзе заставацца ў сьледчым ізалятары КГБ яшчэ прынамсі да 26 верасьня. Нагадаем, затрымалі былога міністра 26 красавіка.
Сын Міхаіла Марыніча Ігар лічыць рашэньне Цэнтральнага суду палітычна матываваным:
(Марыніч: ) “Мяч на баку дзейнага рэжыму. Калі б яны хацелі вырашыць гэтую праблему, ужо вырашылі б. Юрыдычных падставаў няма ніякіх, таму гэта яшчэ раз падкрэсьлівае палітычны характар справы”.
Адвакат Вера Страмкоўская сьцьвярджае, што стан здароўя Міхаіла Марыніча ў турме рэзка пагоршыўся. Паводле Веры Страмкоўскай, Міхаіл Марыніч пастаянна скардзіцца на боль у сэрцы. На рашэньне Цэнтральнага суду Вера Страмкоўская падала скаргу ў гарадзкі суд Менску.
Сын Міхаіла Марыніча Ігар лічыць рашэньне Цэнтральнага суду палітычна матываваным:
(Марыніч: ) “Мяч на баку дзейнага рэжыму. Калі б яны хацелі вырашыць гэтую праблему, ужо вырашылі б. Юрыдычных падставаў няма ніякіх, таму гэта яшчэ раз падкрэсьлівае палітычны характар справы”.
Адвакат Вера Страмкоўская сьцьвярджае, што стан здароўя Міхаіла Марыніча ў турме рэзка пагоршыўся. Паводле Веры Страмкоўскай, Міхаіл Марыніч пастаянна скардзіцца на боль у сэрцы. На рашэньне Цэнтральнага суду Вера Страмкоўская падала скаргу ў гарадзкі суд Менску.
