У Гомельскай вобласьці зарэгістраваны 15 рэгіянальных арганізацыяў палітычных партыяў. Аднак далёка ня ўсе вылучалі сваіх прадстаўнікоў ва ўчастковыя выбарчыя камісіі.
У іх ліку суполкі Лібэральна-дэмакратычнай, Аграрнай партыяў, Беларускай сацыял-дэмакратычнай Грамады ды іншых.
Не абцяжарвалі сябе гэтай працай і некаторыя прадстаўнікі кааліцыі “Пяцёрка плюс”. У прыватнасьці, не пасылала сваіх вылучэнцаў у камісіі Беларуская партыя “Зялёных”.
Толькі ў Рагачове вылучала сваіх прадстаўнікоў у камісіі шляхам збору подпісаў Народная грамада.
Чым тлумачыцца такое стаўленьне да фармаваньня ўчастковых камісіяў, распавёў кіраўнік рэгіянальнай арганізацыі Народнай Грамады Юрась Захаранка:
(Захаранка: ) “Вырашылі, што высілкі будуць марнымі. Усё адно нас не ўключаць у камісіі. Будзе лепей, калі ўсе сілы мы кінем на збор подпісаў і агітацыю за нашых кандыдатаў”, – сказаў рэгіянальны лідэр Народнай Грамады спадар Захаранка.
Прадстаўнікі ўладных структураў сьцьвярджаюць, што суполкі палітычных партыяў надзвычай позна падавалі дакумэнты на сваіх вылучэньцаў.
Гаворыць намесьнік старшыні Мазырскага гарвыканкаму Фёдар Пісанік:
(Пісанік: ) “Мы стваралі працаздольныя ўчастковыя выбарчыя камісіі. Заявы разглядалі на падставе чарговасьці. У нас было звыш паўтысячы зваротаў. Палітычныя арганізацыі падавалі пратаколы ў ліку апошніх. Мы можам прадставіць вам журнал рэгістрацыі”, – заявіў намесьнік старшыні Мазырскага гарвыканкаму Фёдар Пісанік.
Падчас вылучэньня прэтэндэнтаў у камісіі найбольш выніковымі былі высілкі абласной арганізацыі Аб`яднанай грамадзянскай партыі. Яна прапанавала выканкамам 103 сваіх прадстаўнікоў. Аднак і зь іх ніхто не патрапіў у камісіі.
Гаворыць намесьнік кіраўніка рэгіянальнай арганізацыі АГП Уладзімер Кацора:
(Кацора: ) “Мы ня вельмі спадзяваліся, што нашых прадстаўнікоў уключаць у камісіі. Папярэдні досьвед гэта паказваў. Але паколькі цяперашнія выбары больш высокага ўзроўню, то мы вылучылі ў вобласьці ў камісіі ад нашай партыі больш за сотню чалавек. Вынік вядомы – нікога не ўключылі.
Гэта сьведчыць пра тое, якімі будуць выбары. Ва ўчастковых камісіях робіцца ўся так званая “кухня”. Там фальшуюцца выбары, перарабляюцца пратаколы. Гэта мы неаднаразова назіралі і на мясцовых выбарах. Я ўпэўнены, так будзе і цяпер. Як кажуць, ня важна, як галасуюць, важна, як лічаць”.
У іх ліку суполкі Лібэральна-дэмакратычнай, Аграрнай партыяў, Беларускай сацыял-дэмакратычнай Грамады ды іншых.
Не абцяжарвалі сябе гэтай працай і некаторыя прадстаўнікі кааліцыі “Пяцёрка плюс”. У прыватнасьці, не пасылала сваіх вылучэнцаў у камісіі Беларуская партыя “Зялёных”.
Толькі ў Рагачове вылучала сваіх прадстаўнікоў у камісіі шляхам збору подпісаў Народная грамада.
Чым тлумачыцца такое стаўленьне да фармаваньня ўчастковых камісіяў, распавёў кіраўнік рэгіянальнай арганізацыі Народнай Грамады Юрась Захаранка:
(Захаранка: ) “Вырашылі, што высілкі будуць марнымі. Усё адно нас не ўключаць у камісіі. Будзе лепей, калі ўсе сілы мы кінем на збор подпісаў і агітацыю за нашых кандыдатаў”, – сказаў рэгіянальны лідэр Народнай Грамады спадар Захаранка.
Прадстаўнікі ўладных структураў сьцьвярджаюць, што суполкі палітычных партыяў надзвычай позна падавалі дакумэнты на сваіх вылучэньцаў.
Гаворыць намесьнік старшыні Мазырскага гарвыканкаму Фёдар Пісанік:
(Пісанік: ) “Мы стваралі працаздольныя ўчастковыя выбарчыя камісіі. Заявы разглядалі на падставе чарговасьці. У нас было звыш паўтысячы зваротаў. Палітычныя арганізацыі падавалі пратаколы ў ліку апошніх. Мы можам прадставіць вам журнал рэгістрацыі”, – заявіў намесьнік старшыні Мазырскага гарвыканкаму Фёдар Пісанік.
Падчас вылучэньня прэтэндэнтаў у камісіі найбольш выніковымі былі высілкі абласной арганізацыі Аб`яднанай грамадзянскай партыі. Яна прапанавала выканкамам 103 сваіх прадстаўнікоў. Аднак і зь іх ніхто не патрапіў у камісіі.
Гаворыць намесьнік кіраўніка рэгіянальнай арганізацыі АГП Уладзімер Кацора:
(Кацора: ) “Мы ня вельмі спадзяваліся, што нашых прадстаўнікоў уключаць у камісіі. Папярэдні досьвед гэта паказваў. Але паколькі цяперашнія выбары больш высокага ўзроўню, то мы вылучылі ў вобласьці ў камісіі ад нашай партыі больш за сотню чалавек. Вынік вядомы – нікога не ўключылі.
Гэта сьведчыць пра тое, якімі будуць выбары. Ва ўчастковых камісіях робіцца ўся так званая “кухня”. Там фальшуюцца выбары, перарабляюцца пратаколы. Гэта мы неаднаразова назіралі і на мясцовых выбарах. Я ўпэўнены, так будзе і цяпер. Як кажуць, ня важна, як галасуюць, важна, як лічаць”.