Лінкі ўнівэрсальнага доступу

Анкета на лета. Віктар Бабарыка: «Няшчасным мяне робіць толькі немагчымасьць дапамагчы»


Віктар Бабарыка
Віктар Бабарыка

У летнім праекце Свабоды мы прадстаўляем анкеты цікавых і вядомых людзей. Сёньняшні рэспандэнт — старшыня праўленьня «Белгазпрамбанку» Віктар Бабарыка.

Хто гэта

Вядомы беларускі банкір, старшыня праўленьня «Белгазпрамбанку», мэцэнат і грамадзкі дзеяч, старшыня апякунскіх радаў фондаў «Шанс» і «Арт-Беларусь». Пры ягоным непасрэдным удзеле — сярод іншага — вернутыя на радзіму творы многіх мастакоў-ураджэнцаў Беларусі, пастаўленыя ім помнікі, выкупленыя кніжныя рарытэты, адчыненыя культурніцкія цэнтры, прафінансаванае выданьне і распаўсюд перакладзенага на беларускую мову «Пяцікніжжа» нобэлеўскай ляўрэаткі Сьвятланы Алексіевіч.

1. Калі вы адчувалі найбольшае ў жыцьці шчасьце?

Кожную раніцу, калі прачынаюся.

2. Які ваш найбольшы страх?

Страціць сваіх дзяцей.

3. Які ваш самы раньні ўспамін?

Ці то першыя крокі ў бараку ці то хрышчэньне ў бочцы.

Віктар Бабарыка на прэзэнтацыі пяцітомніка Сьвятланы Алексіевіч «Галасы Ўтопіі» па-беларуску, 2018 год
Віктар Бабарыка на прэзэнтацыі пяцітомніка Сьвятланы Алексіевіч «Галасы Ўтопіі» па-беларуску, 2018 год

4. Якая рыса вам найбольш не падабаецца ў сабе?

Не магу шчыра радавацца.

5. Якая рыса вам найбольш не падабаецца ў іншых?

Ілжывасьць.

6. Якая ў вас была самая няёмкая сытуацыя ў жыцьці?

Аднойчы я падставіў свайго найлепшага сябра.

7. Якая ў вас ёсьць самая дарагая вам рэч?

У мяне няма разуменьня пра каштоўнасьць ці важнасьць рэчаў.

8. Якую б вы хацелі мець супэрздольнасьць?

Мудрасьць.

9. Што робіць вас няшчасным?

Немагчымасьць дапамагчы.

10. Якая ў вас самая непрыгожая звычка?

Няўменьне прайграваць.

11. Якую вы маеце заганную прыемнасьць?

Любоў да салодкага.

12. У каго вам найбольш хацелася б папрасіць прабачэньня і чаму?

У тых, каму мог дапамагчы, але ня здолеў. За тое, што ня здолеў.

13. Найлепшы пацалунак у вашым жыцьці?

Пацалунак маёй жонкі.

15. Найбольшае ў жыцьці расчараваньне?

Усьведамленьне непатрэбнасьці сваіх дзеяньняў.

16. Калі б вы маглі нешта зьмяніць у мінулым жыцьці, што б гэта было?

Нічога.

17. Калі б вы маглі трапіць у мінуласьць, дзе б вы хацелі апынуцца?

15 жніўня 2017 году.

18. Калі вы былі найбліжэй да сьмерці?

Аднойчы пасьля бойкі ў Воршы мяне зацягнулі на чыгунку і я ледзь споўз перад цягніком.

19. Якая адна рэч павысіла б якасьць вашага жыцьця?

Мудрасьць.

20. Ваша найбольшае дасягненьне?

Мае дзеці.

21. Што вам не дае спаць па начах?

Беспадстаўная паніка.

22. Што б вы хацелі, каб пра вас памяталі?

Што я хацеў стварыць умовы для жыцьця, каб людзі маглі лепш самарэалізавацца.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG