Ігар Карней, Залесьсе У мястэчку Залесьсе сёньня ладзяцца сьвяточныя імпрэзы з нагоды 240-годзьдзя з дня нараджэньня палітычнага і грамадзкага дзеяча, дыплямата і кампазытара Міхала Клеафаса Агінскага. У сядзібу Агінскіх прыехалі творчыя і мастацкія калектывы як з суседніх гарадоў (Смаргоні, Вілейкі, Маладэчна, Менску), так і з Польшчы, Літвы, дзе таксама існуюць музэйныя комплексы роду Агінскіх. Наш карэспандэнт Ігар Карней даведаўся, што ад наступнага году ў Залесьсі нарэшце пачнуцца рэстаўрацыйныя працы і адказныя за іх правядзеньне асобы абяцаюць, што 250-гадовы юбілей кампазытара пройдзе ў цалкам адноўленым маёнтку.