Культура

Міністэрства інфармацыі адхіліла рукапіс кнігі пра Аляксандра Лукашэнку з-за нізкага мастацкага ўзроўню (абноўлены)

Ігар Карней, Менск Кандыдат у сябры Саюзу пісьменьнікаў Мікола Жыгоцкі падрыхтаваў да друку кнігу, прысьвечаную Аляксандру Лукашэнку. У працэсе збору матэрыялу спадар Жыгоцкі сустракаўся з аднавяскоўцамі, сваякамі і былымі сябрамі кіраўніка краіны і перакананы, што такая “чалавечная” кніга пра першую асобу дзяржавы падрыхтаваная ўпершыню. Аднак, паводле аўтара, Міністэрства інфармацыі неабгрунтавана марудзіць з узгадненьнем кнігі дзеля хутчэйшага накіраваньня яе ў друк. Упраўленьне выдавецкай дзейнасьці Міністэрства інфармацыі днямі вярнула рукапіс аўтару з фармулёўкай “нізкі мастацкі ўзровень”.