Лінкі ўнівэрсальнага доступу

На аднаго з абаронцаў Курапатаў завялі крымінальную справу


Мікіта Найдзен
Мікіта Найдзен

Супраць аднаго з удзельнікаў пратэстаў супраць рэстарану ў Курапатах Мікіты Найдзена заведзеная крымінальная справа. Як паведаміў у Фэйсбуку лідэр грамадзкай арганізацыі «Альтэрнатыва» Алег Корбан, яму інкрымінуюць «сьвядома ілжывае паведамленне пра небяспеку» (артыкул 340.1 КК РБ).

— Хлапец зьнік з нашых радараў у панядзелак 11 чэрвеня (ён мусіў далучыцца да нас а 17 гадзіне), нашы спробы знайсьці яго не прынеслі посьпеху. І толькі цяпер ён знайшоўся... Мікіта не вытрымаў знявагі над нацыянальным мэмарыялам у Курапатах і вырашыў паскорыць той момант, калі пекла ў выглядзе забаўляльнага комплекса «Поедем, Поедим» зачыніцца, а ўсё іх чэрці разьбягуцца. Вырашыў дзейнічаць самастойна. 10 чэрвеня (нядзеля) у 22.45 ён патэлефанаваў у гэтую рэстарацыю і паведаміў прыблізна наступнае «Ваш ресторан замінірован, там бомба».

Паводле Корбана, праз 10 хвілінаў у рэстаран прыехалі сапёры, МНС і хуткая дапамога. Было ўсталявана, што паведамленьне ілжывае.

— А 2 гадзіны ночы да Мікіты завітала міліцыя (яго асобу вылічылі больш-менш хутка) — 5 супрацоўнікаў, некаторыя былі ў бронекамізэльках. Затрымалі, агледзелі кватэру, павезлі ў РУУС, дзе адбыўся допыт. Пасля адвезлі ў ІЧУ, дзе яго ўтрымлівалі 3 сутак. Вызвалілі да судовага паседжання пад хатні арышт.

У пастнове, як паведаміў Корбан, адна з умоваў хатняга арышту — гэта забарона камунікаваньня з асобамі, якія вядуць антыграмадзкі лад жыцьця^; забарона наведаньня месцаў масавага збору людзей.

Вядома, што падчас тэлефанавання ён быў цвярозы.

Мікіту Найдзену, актывісту «Альтэрнатывы», 27 гадоў. Ён працуе штампоўшчыкам на Менскім трактарным заводзе, жыве з маці.

Што важна ведаць: пратэсты супраць новай рэстарацыі ў Курапатах​

  • Рэстаран «Поедем поедим» у Курапатах меркавана запрацаваў увечары 5 чэрвеня.
  • Грамадзкія актывісты штодня ад 31 траўня пікетуюць забаўляльны комплекс, патрабуючы закрыцьця рэстарацыі.
  • 1 чэрвеня рэстаран «Поедем поедим» пачаў рэклямавацца ў інтэрнэце.
  • 28 траўня карэспандэнт Свабоды трапіў на тэрыторыю комплексу, дзе пабачыў падрыхтоўку да хуткага адкрыцьця рэстарацыі.
  • Адрас рэстарацыі супадае з адрасам ТАА «Амізбел», якое было створана кампаніяй «Белноватэкс груп». Апошняя валодае шэрагамфэшэнэбэльных рэстаранаў у Менску.
  • Рэстарацыя стаіць за 50 мэтраў ад месца, дзе ў 1930-я адбываліся масавыя расстрэлы. Карнікі НКВД расстралялі тут ад 30 тысяч да 250 тысяч чалавек.
  • Будоўля забаўляльнага комплексу пад назвай «Бульбаш-хол» пачалася ў 2010 годзе ў ахоўнай зоне Курапатаў. У 2014-м ахоўную зону зьменшылі. Гісторыя будаўніцтва і змаганьня тут.
  • Першая грамадзкая абарона Курапатаў адбывалася ў 2001–2002 гг., калі моладзь пратэставала супраць пашырэньня кальцавой дарогі праз урочышча. На пачатку 2017-га актывісты адстаялі Курапаты ад будоўлі бізнэс-цэнтру.​

Сталінскія рэпрэсіі і Курапаты

У Беларусі масавыя рэпрэсіі пачаліся яшчэ з прыходам да ўлады бальшавікоў — у 1917 годзе. А скончыліся, калі памёр Сталін — у 1953-м. Дасьледчыкі мяркуюць, што пад іх падпалі як мінімум 600 тысяч чалавек. Паводле іншых ацэнак, гэтая лічба дасягае 1,4 мільёна. Але дакладныя лічбы не вядомыя — КДБ дагэтуль не раскрыў архівы. Паводле розных падлікаў, ад 30 да 250 тысяч чалавек карнікі НКВД расстралялі з 1937 па 1941 гады ў Курапатах — лясным масіве пад Менскам.

Асноўнае пра Курапаты

Чытайце таксама:

«Чарка і скварка» ў Курапатах. Камэнтуюць: дэпутат, рокер, лекар-дыетоляг

«Чарка і скварка» ў Курапатах. Камэнтуюць прадстаўнікі каталіцкай і праваслаўнай цэркваў

«Чарка і скварка» ў Курапатах. Камэнтуюць Ганна Бонд, Уладзімір Войнавіч і Юлія Чарняўская

«Пытаньне ня ў тым, што побач, а ў тым, як гэта спалучаецца», — рабін Абрамовіч пра рэстарацыю ля Курапатаў

Касманаўт Кавалёнак пра Курапаты: Нельга, каб побач са сьвятым месцам былі гулянкі з голымі азадкамі

Дэпутат Марзалюк: «Рэстаран не на касьцях. Але есьці там ніколі ня буду»

Лявон Вольскі: «Установа грамадзкага харчаваньня ля Курапатаў — гэта зусім цынічна»

Мікалай Чаргінец пра рэстаран каля Курапатаў: «Праяжджаючы міма, адварочваў бы галаву»

Лія Ахеджакава пра Курапаты: Там, дзе расстрэльвалі, ставіць рэстаран — ганебна!

Алексіевіч пра Курапаты: «Гэтыя „шуневічы“ пачуваюцца абсалютна беспакарана»

ІТ-прадпрымальнік Юры Гурскі: «Я ў сумнеўных месцах ня ем»

Дэпутатка Анісім: «Нават калі б падала з голаду, туды не пайшла б»

Лыжнік Далідовіч пра рэстаран каля Курапатаў: «Я туды дакладна не паеду бавіць час»

Ярмошына пра Курапаты: «Тэма палітычна разьдзьмутая, але свой юбілей тут не адзначала б»

Музыка Андрэй Макарэвіч пра Курапаты: Ставіць у такім месцы рэстаран — непрыстойна

Генадзь Хазанаў пра Курапаты: Я б у такі рэстаран не пайшоў ні пры якіх абставінах!

Другі сакратар БРСМ: «Рэстарацыя каля Курапатаў — гэта непрымальна»

«Вам пад ногі коцяць бомбу». Украінская пісьменьніца пра рэстаран у Курапатах

Томас Венцлава: Курапаты важныя для ўсёй Эўропы. Рэстаран там — агіднасьць і скандал

Віктар Пракапеня пракамэнтаваў сытуацыю ў Курапатах адным сказам

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG