Лінкі ўнівэрсальнага доступу

Дэпутатка Анісім пра рэстаран ля Курапатаў: «Нават калі б падала з голаду, туды не пайшла б»


Алена Анісім
Алена Анісім

Сябра камісіі Палаты прадстаўнікоў па адукацыі, культуры і навуцы, старшыня Таварыства беларускай мовы Алена Анісім падзялілася са Свабодай сваім бачаньнем канфлікту вакол рэстарацыі каля месца масавых расстрэлаў ахвяраў сталінскіх рэпрэсій у Курапатах.

Дэпутатка вельмі шкадуе, што сытуацыя дайшла да канфлікту.

«Бо, як паказвае аналіз дакумэнтаў, гэтага можна было пазьбегнуць. І калі зьмяняліся памеры ахоўнай зоны Курапатаў, і калі дакумэнты былі ў былога кіраўніка Менскай вобласьці. Асабліва пасьля таго, як Генпракуратура зьвярнула ўвагу на парушэньні. Таму сёньняшняя сытуацыя — гэта вынік таго, што адказныя кіраўнікі не праявілі дальнабачнасьці і дзяржаўнай мудрасьці. Ня кажучы ўжо пра грамадзянскую пазыцыю».

Курапаты — гэта сымбаль, як Хатынь ці Трасьцянец

Алена Анісім абураецца знаходжаньнем новай рэстарацыі побач з Курапатамі.

«Тут няма чаго шмат абмяркоўваць. Ёсьць жа паняцьці маралі. Цынічна паводзіць сябе так у адносінах да памяці ахвяраў. І нельга апраўдвацца тым, што ў нас „паўсюль пахаваньні“. Курапаты — не „адно з такіх месцаў“. Курапаты — гэта сымбаль таго перасьледу, генацыду інтэлектуальных сіл беларускага народу, які немагчыма ігнараваць. Курапаты гэтаксама сымбалічныя для нас, як Хатынь і Трасьцянец», — кажа дэпутатка.

Сваё асабістае стаўленьне да рэстарацыі побач з Курапатамі Алена Анісім фармулюе так: «Нават калі б я падала ад голаду, нізавошта б туды не пайшла».

І дадае: «Ёсьць рэчы, якія ігнараваць нельга. Ніхто паблізу могілак ня робіць рэстаранаў, не прадае чыпсы ці яшчэ нешта. Хоць на некаторыя магілы людзі прыяжджаюць здалёк».

Што важна ведаць: пратэсты супраць новай рэстарацыі ў Курапатах​

  • Рэстаран «Поедем поедим» у Курапатах меркавана запрацаваў увечары 5 чэрвеня.
  • Грамадзкія актывісты штодня ад 31 траўня пікетуюць забаўляльны комплекс, патрабуючы закрыцьця рэстарацыі.
  • 1 чэрвеня рэстаран «Поедем поедим» пачаў рэклямавацца ў інтэрнэце.
  • 28 траўня карэспандэнт Свабоды трапіў на тэрыторыю комплексу, дзе пабачыў падрыхтоўку да хуткага адкрыцьця рэстарацыі.
  • Адрас рэстарацыі супадае з адрасам ТАА «Амізбел», якое было створана кампаніяй «Белноватэкс груп». Апошняя валодае шэрагамфэшэнэбэльных рэстаранаў у Менску.
  • Рэстарацыя стаіць за 50 мэтраў ад месца, дзе ў 1930-я адбываліся масавыя расстрэлы. Карнікі НКВД расстралялі тут ад 30 тысяч да 250 тысяч чалавек.
  • Будоўля забаўляльнага комплексу пад назвай «Бульбаш-хол» пачалася ў 2010 годзе ў ахоўнай зоне Курапатаў. У 2014-м ахоўную зону зьменшылі. Гісторыя будаўніцтва і змаганьня тут.
  • Першая грамадзкая абарона Курапатаў адбывалася ў 2001–2002 гг., калі моладзь пратэставала супраць пашырэньня кальцавой дарогі праз урочышча. На пачатку 2017-га актывісты адстаялі Курапаты ад будоўлі бізнэс-цэнтру.​

Сталінскія рэпрэсіі і Курапаты

У Беларусі масавыя рэпрэсіі пачаліся яшчэ з прыходам да ўлады бальшавікоў — у 1917 годзе. А скончыліся, калі памёр Сталін — у 1953-м. Дасьледчыкі мяркуюць, што пад іх падпалі як мінімум 600 тысяч чалавек. Паводле іншых ацэнак, гэтая лічба дасягае 1,4 мільёна. Але дакладныя лічбы не вядомыя — КДБ дагэтуль не раскрыў архівы. Паводле розных падлікаў, ад 30 да 250 тысяч чалавек карнікі НКВД расстралялі з 1937 па 1941 гады ў Курапатах — лясным масіве пад Менскам.

Асноўнае пра Курапаты

Чытайце таксама:

«Чарка і скварка» ў Курапатах. Камэнтуюць: дэпутат, рокер, лекар-дыетоляг

«Чарка і скварка» ў Курапатах. Камэнтуюць прадстаўнікі каталіцкай і праваслаўнай цэркваў

«Чарка і скварка» ў Курапатах. Камэнтуюць Ганна Бонд, Уладзімір Войнавіч і Юлія Чарняўская

«Пытаньне ня ў тым, што побач, а ў тым, як гэта спалучаецца», — рабін Абрамовіч пра рэстарацыю ля Курапатаў

Касманаўт Кавалёнак пра Курапаты: Нельга, каб побач са сьвятым месцам былі гулянкі з голымі азадкамі

Дэпутат Марзалюк: «Рэстаран не на касьцях. Але есьці там ніколі ня буду»

Лявон Вольскі: «Установа грамадзкага харчаваньня ля Курапатаў — гэта зусім цынічна»

Мікалай Чаргінец пра рэстаран каля Курапатаў: «Праяжджаючы міма, адварочваў бы галаву»

Лія Ахеджакава пра Курапаты: Там, дзе расстрэльвалі, ставіць рэстаран — ганебна!

Алексіевіч пра Курапаты: «Гэтыя „шуневічы“ пачуваюцца абсалютна беспакарана»

«Чарка і скварка» ў Курапатах. Камэнтуюць ІТ-прадпрымальнік Юры Гурскі і старшыня Рэспубліканскай канфэдэрацыі прадпрымальнікаў Уладзімер Карагін

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG