Алесь Дашчынскі, Менск 5 кастрычніка адбудзецца прэсавая канфэрэнцыя намесьніка міністра жыльлёва-камунальнай гаспадаркі Мікалая Ліпеня, на якой ён будзе распавядаць пра паляпшэньне быту насельніцтва перад пачаткам ацяпляльнага сэзону. Наўрад ці можна спадзявацца, што гэты быт будзе значна палепшаны, бо пакуль ніякіх кардынальных пераменаў у гэтай галіне няма. Затое службы ЖКГ уцягваюцца ў судовыя спрэчкі з наймальнікамі кватэраў і, як заўсёды, тут найбольш церпяць самыя неабароненыя.