Адразу з пастарунку, дзе на спадара Хамайду склалі пратакол за несанкцыянаванае пікетаваньне, яго даставілі ў Чыгуначны раённы суд. Але судзьдзя Алена Грабянчук адмовілася разглядаць справу паводле ягонага сёньняшняга затрыманьня. Затое нечакана вырашыла завяршыць судовы працэс, адкладзены 27-га верасьня з прычыны таго, што міліцыянты былі няправільна аформілі дакумэнты.
Сёньня дакумэнты аказаліся ўжо ў парадку, і спадарыня Грабянчук прасудзіла Барысу Хамайду штраф у 20 базавых велічыняў – гэта 380 тысяч беларускіх рублёў.
Разгляд наступнай справы судзьдзя прызначыла на панядзелак 4-га кастрычніка. Да гэтага часу з ізалятару часовага ўтрыманьня ўжо мусяць выйсьці Аляксандар Салаўян ды Ўладзімер Плешчанка – сябры КХП БНФ, асуджаныя гэтай самай судзьдзёй Грабянчук на 10 сутак за тое, што разам з Барысам Хамайдам арганізавалі ў Віцебску агітацыйную кампанію за байкот выбараў ды рэфэрэндуму.
Сёньня дакумэнты аказаліся ўжо ў парадку, і спадарыня Грабянчук прасудзіла Барысу Хамайду штраф у 20 базавых велічыняў – гэта 380 тысяч беларускіх рублёў.
Разгляд наступнай справы судзьдзя прызначыла на панядзелак 4-га кастрычніка. Да гэтага часу з ізалятару часовага ўтрыманьня ўжо мусяць выйсьці Аляксандар Салаўян ды Ўладзімер Плешчанка – сябры КХП БНФ, асуджаныя гэтай самай судзьдзёй Грабянчук на 10 сутак за тое, што разам з Барысам Хамайдам арганізавалі ў Віцебску агітацыйную кампанію за байкот выбараў ды рэфэрэндуму.
