Лінкі ўнівэрсальнага доступу

Кандыдат ад БНФ паскардзіўся на старшыню сельсавета за зьмяшэньне алькаголю й агітацыі


Марыя Ўсьціновіч, Магілёў Кандыдат у дэпутаты парлямэнту ад партыі БНФ у Шклоўскай выбарчай акрузе Рыгор Кастусёў паскардзіўся на дзеяньні старшыні Цяхцінскага сельскага савету, што ў Бялыніцкім раёне, і абвінаваціў яго ў адміністрацыйным ціску на выбарнікаў.

Падзеі адбыліся ў вёсцы Цяхцін у Дзень састарэлага чалавека, калі старых віншавалі са сьвятам і частавалі алькагольнымі напоямі. Вось у чым абвінавачвае Рыгор Кастусёў старшыню сельсавета Мікалая Шакуру:

(Кастусёў: ) “Ён развозіў гэтыя сьпіртныя напоі па хатах і адначасова вёў агітацыю за Канаплёва. Калі за Канаплёва не прагаласуюць, калі выйграю я, то яго выганяць з працы – такія тлумачэньні былі”.

Рыгор Кастусёў гаворыць, што ў яго ёсьць сьведчаньні жыхароў Цяхціна. Аднак Мікалай Шакура катэгарычна абвяргае абвінавачаньні й называе іх паклёпам.

(Шакура: ) “Гэта натуральная хлусьня. Я абураны такім. Як грамадзянін я маю права агітаваць, але я не агітаваў за сталом”.

Выбарчая камісія Шклоўскай акругі праводзіла расьсьледваньне, аднак там адмовіліся паведаміць пра яго вынікі. Паводле інфармацыі Рыгора Кастусёва, сёньня камісія падрыхтавала адказ на скаргу, у якім гаворыцца, што факты не пацьвердзіліся. Кандыдат ад БНФ сказаў, што гэта ёсьць сьведчаньнем таго, што выбарчая камісія ня будзе рабіць захады супраць кандыдата ад улады.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG