Аляксандар Лукашэнка заявіў, што сёлета экспарт беларускай прадукцыі можа скласьці 3 мільярды даляраў. Прэзыдэнт Беларусі таксама адзначыў, што наступныя пяць гадоў мэліярацыя мусіць стаць сярод асноўных дзяржаўных праектаў. Ці патрэбная сёньня Беларусі новая хваля мэліярацыі, улічваючы ўсе чыньнікі, у тым ліку эканамічны і экалягічны? Ці рэальна ў некалькі разоў павялічыць экспарт беларускай сельскагаспадарчай прадукцыі ў найбліжэйшыя гады? На гэтыя пытаньні адказвае журналіст Анатоль Гуляеў.