Міхал Стэльмак, Менск 23 кастрычніка ў Жодзіне міліцыя правяла ператрус у офісе грамадзкага аб’яднаньня інвалідаў-удзельнікаў вайны ў Аўганістане, а таксама ў кватэры ягонага старшыні Аляксандра Камароўскага. Былі сканфіскаваныя каля трохсот асобнікаў газэты “Народная Воля”, кампутары й 300 фальшывых даляраў. Ператрус, які скончыўся апоўначы, адбываўся ў рамках крымінальнай справы, заведзенай на спадара Камароўскага пасьля таго, як у ноч з 21 на 22 кастрычніка на беларуска-польскай мяжы ў яго знайшлі 300 фальшывых даляраў.