Радыё Свабода У 2005 годзе Міністэрства спорту і турызму анулявала 198 ліцэнзій на ажыцьцяўленьне турыстычнай дзейнасьці. Адмыслоўцы не выключаюць, што ўжо бліжэйшым часам гэтая лічба будзе істотна адкарэктаваная. У адпаведнасьці з распараджэньнем упраўленьня турызму згаданага міністэрства, да 20 лютага суб’екты гаспадарчай дзейнасьці, якія маюць ліцэнзіі на турапэратарскую дзейнасьць, мусілі падаць копію статыстычнай справаздачнасьці аб прыёме замежных турыстаў па спэцыяльнай форме “1-турыст”. Кампаніям, якія ня выканаюць патрабаваньне, будзе скасаваная дзейнасьць ліцэнзій.