Напрыканцы мінулага году Аляксандар Лукашэнка падпісаў указ аб падвышэньні на 9% працоўных пэнсіяў. Ужо сёлета тэма сацыяльнай абароны насельніцтва была працягнутая новымі ўказамі і дэкрэтамі беларускага кіраўніка. 28 студзеня адпаведным распараджэньнем выдзелена 26 мільёнаў 600 тысяч рублёў на сацыяльную падтрымку здольных навучэнцаў і студэнтаў.
У лютым зьявілася некалькі сацыяльных указаў Аляксандра Лукашэнкі: “Аб выдзяленьні льготных крэдытаў на капітальны рамонт і рэканструкцыю жытла асобам, што жывуць у населеных пунктах з колькасьцю насельніцтва да 20 тысяч чалавек”, “Аб узмацненьні матэрыяльнай падтрымкі сем’ям, што выхоўваюць дзяцей да трох гадоў”. Яшчэ адзін указ забавязвае з 1 лютага на 7% падвысіць усе віды дзяржаўных стыпэндыяў для студэнтаў і навучэнцаў. Адпаведна зь лютаўскім прэзыдэнцкім дэкрэтам, дазволена пакупка валюты фізычнымі асобамі без рэгістрацыі іх пашпартных зьвестак. Цэны на камунальныя паслугі ў студзені, фактычна, засталіся на ўзроўні сьнежня мінулага году, а плата за ваду не падвышалася зь лістапада 2005 году. Сёньня Аляксандар Лукашэнка запатрабаваў, каб урад вырашыў праблему росту цэнаў на некаторыя віды харчоў і паслугаў.
Дзеля чаго ўсё гэта робіцца?
Ці гэта сапраўды клопат пра сацыяльную абарону людзей, ці перадвыбарчы крок уладаў? І ці доўга будзе захоўвацца такая сытуацыя? На гэтыя пытаньні адказвае вядомы беларускі эканаміст, намесьнік старшыні Аб’яднанай грамадзянскай партыі Яраслаў Раманчук:
(Раманчук: ) “За два-тры месяцы да палітычнай кампаніі актывізуецца сацыяльная палітыка. Павялічваюцца пэнсіі, заробкі, растуць выплаты студэнтам. Безумоўна, усё гэта частка кампаніі, але так складаецца, што ўсё гэта добра супадае з палітычнымі падзеямі. Такім чынам, я думаю, што пасьля выбараў у нас вырастуць даўгі па зарплаце, будзе стагнацыя пэнсіяў і цягам паўгоду будуць падвышаныя цэны на жыльлёва-камунальныя паслугі”.
У лютым зьявілася некалькі сацыяльных указаў Аляксандра Лукашэнкі: “Аб выдзяленьні льготных крэдытаў на капітальны рамонт і рэканструкцыю жытла асобам, што жывуць у населеных пунктах з колькасьцю насельніцтва да 20 тысяч чалавек”, “Аб узмацненьні матэрыяльнай падтрымкі сем’ям, што выхоўваюць дзяцей да трох гадоў”. Яшчэ адзін указ забавязвае з 1 лютага на 7% падвысіць усе віды дзяржаўных стыпэндыяў для студэнтаў і навучэнцаў. Адпаведна зь лютаўскім прэзыдэнцкім дэкрэтам, дазволена пакупка валюты фізычнымі асобамі без рэгістрацыі іх пашпартных зьвестак. Цэны на камунальныя паслугі ў студзені, фактычна, засталіся на ўзроўні сьнежня мінулага году, а плата за ваду не падвышалася зь лістапада 2005 году. Сёньня Аляксандар Лукашэнка запатрабаваў, каб урад вырашыў праблему росту цэнаў на некаторыя віды харчоў і паслугаў.
Дзеля чаго ўсё гэта робіцца?
Ці гэта сапраўды клопат пра сацыяльную абарону людзей, ці перадвыбарчы крок уладаў? І ці доўга будзе захоўвацца такая сытуацыя? На гэтыя пытаньні адказвае вядомы беларускі эканаміст, намесьнік старшыні Аб’яднанай грамадзянскай партыі Яраслаў Раманчук:
(Раманчук: ) “За два-тры месяцы да палітычнай кампаніі актывізуецца сацыяльная палітыка. Павялічваюцца пэнсіі, заробкі, растуць выплаты студэнтам. Безумоўна, усё гэта частка кампаніі, але так складаецца, што ўсё гэта добра супадае з палітычнымі падзеямі. Такім чынам, я думаю, што пасьля выбараў у нас вырастуць даўгі па зарплаце, будзе стагнацыя пэнсіяў і цягам паўгоду будуць падвышаныя цэны на жыльлёва-камунальныя паслугі”.