Севярын Квяткоўскі, Менск Паводле аднаго вядомага грамадзкага дзеяча, на сёньняшні дзень палітычны пэрформанс у Беларусі – гэта самы моцны ўнёсак у сьпіс навінак, якія зьявіліся на постсавецкай прасторы. За апошнія дзесяць гадоў жанр палітычнага сьмеху, іроніі ды сарказму набыў адметны нацыянальны стыль. Журналісты, анархісты, маладафронтаўцы, “зубры”, мастакі й палітыкі правялі цэлую плойму акцыяў, пэрформансаў і хэпэнінгаў з адной мэтай – выказаць пратэст супраць існай улады. Наколькі плённая такая дзейнасьць? І чаму ў апошнія гады палітычнага сьмеху амаль не чуваць?
