19 сакавіка, роўна праз чатыры гады пасьля таго, як у Менску паўстала «Плошча імя Кастуся Каліноўскага», беларускі літаратар Барыс Пятровіч прэзэнтаваў сваю новую кнігу пра падзеі таго часу.
Гарадзенская ГЭС на Нёмане, непадалёк Горадні, яшчэ ня скончана. А ўжо плянуецца пабудаваць другую электрастанцыю — Нямноўскую — ля мяжы зь Літвой, за дваццаць кілямэтраў ад гораду. Калі яе пабудуюць, рака ў межах Горадні ўзьнімецца на 1,3 мэтра — якраз там, дзе над Нёманам стаяць Калоская царква і Стары замак. Ці ня ўзьнікне пагрозы для гэтых помнікаў архітэктуры?
У стварэньні фонду возьмуць удзел Саюз беларускіх габрэйскіх грамадзкіх суполак і гарадзкія ўлады.
17 сакавіка ва ўсім сьвеце адзначаецца Дзень Сьвятога Патрыка — нацыянальнае ірляндзкае сьвята. Лічыцца, што менавіта сьвяты Патрык прынёс Ірляндыі хрысьціянскую веру.
Ураньні 17 сакавіка стала вядома, што вечарына з нагоды выхаду 50 тамоў выдавецкай сэрыі «Беларускі кнігазбор» адмененая адміністрацыяй Палацу мастацтва, дзе яна плянавалася. Аднак людзі ўсё роўна прыйшлі і правялі імпрэзу ў фае і на прыступках будынку.
Беларуская рэспубліканская навукова-мэтадычная рада па пытаньнях гісторыка-культурнай спадчыны зацьвердзіла канцэпцыю кансэрвацыі руінаў Наваградзкага замка.
Будынак касьцёлу быў заснаваны 31 лiпеня 1700 году. У пасьляваенны часы будынак касьцёлу быў адабраны ў вернікаў i перададзены пад «Дом фiзкультуры».
Адміністрацыя Палаца мастацтваў адмовілася даць пад яе залю “з тэхнічных прычынаў”.
Сёньня ўвечары ў “кнігарніЎгалерэі” можна атрымаць аўтограф ад Альгерда Бахарэвіча. Гэтая сустрэча распачынае штотыднёвы цыкль аўтограф-сэсіяў знаных беларускіх літаратараў, якія заплянавала новая менская недзяржаўная кнігарня.
Сёньня ў менскім Палацы мастацтваў а 18-й вечара адбудзецца сьвяточная імпрэза “Зьбіраўся скарб: 50 тамоў “Беларускага кнігазбору”. У 1996 годзе выйшаў першы том праекту – “Выбраныя творы” Яна Чачота, а нядаўна ўжо 50-я кніга – творы Максіма Гарэцкага.
15 сакавіка, у 16-ю гадавіну прыняцьця Канстытуцыі, паводле якой беларуская мова атрымала статус адзінай дзяржаўнай, у Таварыстве беларускай мовы зноў пісалі агульнанацыянальную дыктоўку.
Улетку паводле загаду гарадзкіх уладаў быў зьнесены манумэнт памяці ахвяраў канцлягеру. Замест сьціплай стэлы на гэтым месцы да візыту патрыярха маскоўскага і ўсяе Русі Кірыла быў узьведзены помнік Мікалаю Цудатворцу. Цяпер гарвыканкам вымагае ад грамадзкасьці ахвяраваньняў, каб пабудаваць новы мэмарыял закатаваным землякам.
У гарадзенскай прыватнай галерэі “Крыга” 15 сакавіка адкрылася выстава Сяргея Грыневіча. Гледачы убачылі на карцінах пераважна жанчын.
Сёньня ў Магілёве цэнтар этнакасмалёгіі "Крыўя" прэзэнтаваў свой альманах “DRUVIS”. Магілёўскай публіцы яго прадставілі філёзаф Аляксей Дзермант ды этнакультуроляг Тодар Кашкурэвіч.
У Віцебскай музычнай гасьцёўні — чарговая выстава праектаў помніка, які павінен да лета ўпрыгожыць абласны цэнтар. Скульптары — удзельнікі абвешчанага гарвыканкамам конкурсу — увасаблялі князя Альгерда. Але абвешчанага раней грамадзкага галасаваньня гэтым разам, хутчэй ха ўсё, , ня будзе.
У Празе распачаўся фэстываль дакумэнтальных фільмаў, прысьвечаных правам чалавека, "Адзін сьвет". На фэстывалі пакажуць больш за сто фільмаў з трыццаці краінаў.
Сёньня ў сталічнай кавярні “Валерыя” адбудзецца прэзэнтацыя кнігі Максіма Клімковіча і Ўладзіслава Ахроменкі “Праўдзівая гісторыя кацапа, хахла і бульбаша”.
Выйшаўшы каляднай працэсіяй на Цэнтральную плошчу ў Менску ў сьнежні 1980 году, Беларуская Майстроўня паклала пачатак грамадзкаму руху, які празь дзесяць гадоў прывядзе да незалежнасьці краіны. Той першы безаглядны вычын студэнцкае грамады з вышыні часу бачыцца калядным цудам, бо паклікала моладзь на пляц не чыясьці сплянаваная задума і не спантанная ідэя іхнае карпарацыі, а штосьці нашмат большае, можа быць, сама беларуская спракаветнасьць.
Сёньня ў Менску адкрылася выстава «Зваротны бок зорак» фатографа Аляксандра Ждановіча (Tarantino). Гэта першая пэрсанальная выстава Аляксандра, у працах якога — нечаканыя ракурсы і моманты выступаў беларускіх музыкаў.
Згуртаваньне беларусаў сьвету “Бацькаўшчына і суполка “Скарына” (Прага, Чэхія) Ларысы Геніюш абвяшчаюць конкурс на лепшы эскіз памятнай шыльды ў гонар паэткі.
Кэтрын Бігелоў 7 сакавіка стала першай жанчынай, якая атрымала Оскар за найлепшую рэжысэрскую працу ва ўсёй 82-гадовай гісторыі прызоў Амэрыканскай кінаакадэміі.
Пра мастацкія каштоўнасьці фільмаў, якія атрымліваюць "Оскар", разважае кінакрытык Максім Жбанкоў. 8 сакавіка ён быў госьцем жывога эфіру Свабоды.
У Лос-Анджэлесе прайшла 82-я цырымонія ўручэньня прэміяў амэрыканскай кінаакадэміі "Оскар". Абедзьве галоўныя ўзнагароды -- за найлепшы фільм і рэжысуру -- дасталіся рэжысэрцы Кэтрын Бігелоў за карціну пра будні амэрыканскіх сапёраў у Іраку "Ўладальнік буры".
У Менску адбыўся канцэрт нямецкага рок-гурту "Рамштайн". Супрацоўнікі сталічнай міліцыі папярэдзілі, что прыходзіць на канцэрт гурту трэба цьвярозымі, без фотаапарату і відэакамэры.
Сёньня (а па менскім часе заўтра ўначы) адбудзецца ўручэньне прэміяў Амэрыканскай кінаакадэміі "Оскар". Слоган 82-ой цырымоніі: "Вы ніколі ня бачылі" Оскар "такім".
У гарадзенскай прыватнай галерэі «Крыга» сёньня адкрылася выстава Сяргея Грыневіча. Гледачы ўбачылі на карцінах пераважна жанчын.
Першая ў паваеннай гісторыі нефармальная грамадзкая арганізацыя Беларуская Майстроўня ўзьнікла трыццаць гадоў таму ў менскім студэнцкім асяродзьдзі. Але пачынальнікамі яе былі ня толькі студэнты-учорашнія школьнікі. Майстроўскія хлопцы цераз аднаго ўжо адслужылі войска й мелі досьвед заводзкае працы. Быў сярод пачынальнікаў і Мікола Сасноўскі, які з тых часоў і да сёньня працуе рабочым на менскім Мотавелазаводзе.
4 сакавіка — дзень сьвятога Казіміра, заступніка рамесьнікаў. Сёньня ў Горадні адбыўся з гэтай нагоды кірмаш рамёстваў. Сьвята адзначаецца ў горадзе з пачатку 2000-х гадоў. Дарэчы, у гарадзкім катэдральным каталіцкім саборы алтар сьвятога Казіміра існуе ўжо трыста гадоў.
3 сакавіка ў Менску ў будынку музычнай школы № 3 адбылося ўрачыстае адкрыцьцё бюста Фрыдэрыка Шапэна. Гэта падарунак амбасады Рэспублікі Польшча ў Рэспубліцы Беларусь школе, якая носіць імя вялікага польскага кампазытара.
Прэм’ерныя паказы спэктакля “Translations” у Купалаўскім тэатры засталіся бяз кідкіх афішаў. Днямі менская публіка заўважыла, што ў тэатральных касах зьніклі плякаты з выявай дзяўчыны, у якой рот залеплены стужкай, і з надпісам “Translations” (“Пераклады”).
У Вільні выдадзены пераклад на літоўскую мову кнігі Сяргея Верамейчыка — беларускага дасьледчыка жыцьця палітычнага і грамадзкага дзеяча, кампазытара Міхала Клеафаса Агінскага.
4 сакавіка ў Горадні адбудзецца прэзэнтацыя новай кнігі гісторыка Алега Латышонка “Беласток-Полацак”.
Сваё сьвята група беларускіх літаратараў адзначае незвычайнай акцыяй. Творчая прастора BYBOOKS, кнігарняЎгалерэі і Беларускі Пэн-цэнтар сёньня ўвечары ладзяць імпрэзу Jam By Books. Два дзясяткі аўтараў на працягу трох гадзінаў зьмяняючы адзін аднаго бесперапынна чытаюць свае найноўшыя тэксты.
1 сакавіка ў галерэі мастацтва «Ў» прайшла «Выстава падарункаў кандыдату ў кандыдаты па Валгаградзкай выбарчай акрузе № 54 Ліпковічу Я.А.»
У Горадні сёньня адкрылася фотавыстава Аляксандра Саенкі. Здымкі вывешаны на сьцяне ў сталоўцы, дзе манашкі кормяць дзесяткі валацугаў. Бясплатныя абеды адбываюцца штодня некалькі апошніх гадоў пры Брыгіцкім касьцёле, іх фундуе каталіцкая дабрачынная арганізацыя «Карытас». Аўтар выставы сваю працу прысьвяціў абедзеным будням гэтых людзей.
Сёньня ў Горадні адбудзецца прэзэнтацыя кнігі мясцовага гісторыка Іны Соркінай “Мястэчкі Беларусі ў канцы ХVІІІ – першай палове ХІХ стагодзьдзяў”. Імпрэза адбудзецца ў абласной бібліятэцы імя акадэміка Карскага.
1 сакавіка 2010 году — 200 гадоў з дня нараджэньня славутага польскага кампазытара Фрыдэрыка Шапэна. Гэты юбілей адзначаецца ў многіх краінах сьвету. 2010 год абвешчаны ў Беларусі годам Шапэна. 22 лютага. Аднак некаторыя дасьледчыкі называюць 1 сакавіка 1810 году
30 гадоў назад, калі Вера Лазоўская прыйшла ў Беларускую Майстроўню, усё, што яна там пабачыла й пачула, здалося ёй іншай рэальнасьцю. У адрозьненьне ад школы, інстытуту і ўсяго жыцьця па-за Майстроўняй, тут маладыя людзі, раўналеткі Веры, гаварылі па-беларуску і пра тое, пра што не гаварылася больш нідзе, а галоўнае – яны сьпявалі. І вочы ў іх сьвяціліся натхнёна. Вера яшчэ ня ведала, што “іншая рэальнасьць” на толькі для яе, але і для ўсіх майстроўцаў была цудам, які захоплівае тваю натуру, бо сыходзіць не адкульсьці звонку, а зь цябе самога, зь лёгікі тваіх развагаў, зь дзіцячых успамінаў, зь генэтычнае памяці.
Гэты дакумэнтальны фільм дэманстраваўся ў рамках праекту «Зваротны адлік» і быў прысьвечаны асобе Янкі Філістовіча.
Сёньня ў сталічным клюбе “Рэактар” адбудзецца прэзэнтацыя новага альбому магілёўскага рок-гурту “MAUZER” “Порна”.
Пераможца конкурсу песьні “Эўравізія-2009” нарвэжац беларускага паходжаньня Аляксандар Рыбак 25 лютага выступіў з канцэртам у Празе.
Беларусь на міжнародным конкурсе «Эўрабачаньне-2010» у Осла прадставіць гурт «Тры плюс два».
Сёньня на сцэне папулярнага Hugos kafé ў старажытным ўнівэрсытэцкім горадзе Упсала, што непадалёк ад Стагкольму, дае канцэрт беларускі музыкант Зьміцер Вайцюшкевіч. Мерапрыемства праходзіць у рамках “Дзён Беларусі ў Швэцыі”.
Народнай артыстцы Беларусі Вользе Клебановіч сёньня споўнілася 65 гадоў.
Часопіс “ПрайдзіСьвет” пры падтрымцы кампаніі "Будзьма беларусамі!" распачынае сэрыю сустрэчаў, прысьвечаных літаратурам розных краінаў сьвету ў перакладах на беларускую мову. "24 лютага ў кнігарні галерэі «Ў» адбылася першая такая вечарына — «Адам, Ева і брутальная лірыка».
Міжнародны фэстываль мастацтваў «Be2gether» зьяўляецца найбуйнейшым сьвятам музыкі і мастацтва на тэрыторыі Балтыйскіх краінаў і пройдзе ўжо ў чацьвёрты раз. Сёлета ён адбудзецца з 25 па 27 чэрвеня па традыцыі ў старажытным літоўскім замку Нарвілішкі, што за 100 мэтраў ад беларуска-літоўскай мяжы.
7 сакавіка ў Менску заплянаваны канцэрт усясьветна вядомага нямецкага гурту Rammstein. Усе музыкі Rammstein атрымалі беларускую візу. Пра гэта паведамляе інфармагенцтва DPA са спасылкай на пасла Беларусі ў Нямеччыне Андрэя Гіро. Усе квіткі на канцэрт у Менску прададзеныя. У той жа час старшыня Грамадзкай рады па маральнасьці Мікалай Чаргінец па-ранейшаму патрабуе зладзіць папярэдні прагляд праграмы. Ці могуць адмяніць канцэрт Rammstein у Менску?
Рыгор Барадулін свой юбілей сустрэў на шпітальным ложку. Пакуль ён застаецца ў рэанімацыі, але хутка ідзе на папраўку, і напрыканцы тыдня яго перавядуць у палату тэрапэўтычнага аддзяленьня.
24 лютага споўнілася тры чвэрці стагодзьдзя народнаму паэту Беларусі Рыгору Барадуліну. Свой юбілей ён сустракае ў шпіталі. Госьцяй ранішняга эфіру “Свабоды” была ягоная ўнучка Дамініка Кліміна.
Загрузіць яшчэ
