Палітыка

345 сутак арышту і 129 тысяч рублёў штрафу: так пакаралі ўдзельнікаў акцый супраць інтэграцыі

Акцыя супраць паглыбленьня інтэграцыі з Расеяй. Менск, 8 сьнежня 2020 году

У сьнежні 2019 і студзені 2020 году ў Беларусі прайшло больш за 170 судоў над актывістамі за ўдзел у акцыях 7, 8, 20 і 21 сьнежня супраць паглыбленьня інэграцыі з Расеяй, паведамляе праваабарончы цэнтар «Вясна». І суды працягваюцца.

На 29 студзеня агульная сума штрафаў, атрыманых удзельнікамі акцый, склала 129087,5 рубля (каля 60,7 тысячы даляраў).

13 чалавек асудзілі агулам на 345 сутак арышту.

ГЛЯДЗІЦЕ ТАКСАМА:

Новыя 15 сутак Шэраму Кату. Агулам блогеру прысудзілі 120 сутак за менскія пратэсты

Судовыя працэсы за акцыі працягнуцца:

  • 29, 30 і 31 студзеня, 3, 4 і 5 лютага ў судзе Партызанскага раёну Менску — над Вячаславам Сіўчыкам, за ўдзел у акцыях у розныя дні;
  • 30 студзеня ў судзе Чыгуначнага раёну Віцебску пройдзе чарговы суд над Тацянай Севярынец;
  • 31 студзеня ў судзе Фрунзенскага раёну Менску адновіцца працэс над Мікалаем Маслоўскім;
  • 10 лютага ў судзе Шклоўскага раёну будуць судзіць Рыгора Кастусёва;
  • Таксама, паводле інфармацыі праваабаронцаў, позвы ў суд за ўдзел у акцыях чакаюць Мікалай Статкевіч і Алесь Абрамовіч (міліцыя склала на іх пратаколы за акцыю 20 сьнежня ў Менску), а таксама Алена Янушковская (за акцыю 29 сьнежня ў Віцебску).