Лінкі ўнівэрсальнага доступу

Губарэвіч, Мацкевіч, Някляеў, Сіўчык і «зялёныя» далучыліся да заявы аб пагрозе незалежнасьці


Да заявы аб пагрозе незалежнасьці далучаюцца прадстаўнікі партыяў і рухаў

Кіраўнік руху “За свабоду” Юрась Губарэвіч, сябра Рады Беларускага Нацыянальнага кангрэсу Вячаслаў Сіўчык, прадстаўнік грамадзянскай ініцыятывы “Сьвежы вецер” Уладзімер Мацкевіч, экс-кандыдат у прэзыдэнта паэт Уладзімер Някляеў і старшыня партыі “Зялёныя” Анастасія Дарафеева далучыліся да заявы ў абарону незалежнасьці, якую днямі прынялі прадстаўнікі партый і рухаў сумесна з Радай БНР.

Падпісанты заявы зьвярнулі ўвагу на пагрозу сувэрэнітэту ў кантэксьце мяркуемага падпісаньня Лукашэнкам і Пуціным інтэграцыйных дакумэнтаў.

Аўтары заявы пацьвердзілі пазыцыю, якая была заяўленая ў Віленскім мэмарандуме 2012 году: «Суб’ектам і першасным гарантам незалежнай дзяржаўнасьці Беларусі і нацыянальна-культурнай пэрспэктывы беларусаў ёсьць сам беларускі народ, які павінен сьцьвярджаць сваю палітычную волю ва ўмовах свабоды« і заклікалі дэмакратычныя краіны сьвету «асудзіць любыя спробы Расейскай Фэдэрацыі абмежаваць сувэрэнітэт Беларусі, выкарыстоўваючы адсутнасьць у Беларусі дэмакратычна выбранай улады, а таксама выступіць з ініцыятывай гарантыяў незалежнасьці Беларусі на міжнародна-праўнай аснове».

Заяву падпісалі старшыня Рады БНР Івонка Сурвіла, старшыня ТБМ Алена Анісім, былы старшыня Вярхоўнага Савета 12-га скліканьня Станіслаў Шушкевіч, старшыня партыі БНФ Рыгор Кастусёў, намесьнік старшыні Кансэрватыўна-хрысьціянскай партыі БНФ Юрась Беленькі, Вінцук Вячорка і Анатоль Лябедзька, сустаршыня аргкамітэту Беларускай хрысьціянскай дэмакратыі Павал Севярынец, сустаршыня Руху салідарнасьці «Разам» Алена Талстая, выканаўца абавязкаў старшыні Аб’яднанай грамадзянскай партыі Мікола Казлоў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Ягор Марціновіч

Самае папулярнае

XS
SM
MD
LG