У крымінальнай справе гаворка ідзе пра відэа на YouTube-канале, які не мае дачыненьня да рэдакцыі.
Большасьць затрыманых адпусьцілі пасьля ператрусу і допыту. Лёс дваіх пакуль не вядомы, яны не выходзяць на сувязь. У якім статусе знаходзяцца журналісты — невядома. Абвінавачаньні ім ня выставілі.
- У сакавіку 2021 году мэдыякарпарацыя RFE/RL пасьля 30 гадоў працы вымушаная была закрыць сваё бюро ў Маскве. 27 журналістаў, якія супрацоўнічаюць з Радыё Свабода, унесены Міністэрствам юстыцыі Расеі ў сьпісы «замежных агентаў» — фізычных асоб. Сем зь іх — карэспандэнты Idel.Рэаліі.
- Расейскамоўныя сайты мэдыякарпарацыі, у тым ліку сайты расейскай службы Радыё Свабода і тэлеканал «Настоящее время», заблякаваныя на тэрыторыі Расеі.
