Лінкі ўнівэрсальнага доступу

Кіраўнік Рады Эўразьвязу Туск зьезьдзіў на Данбас з прэзыдэнтам Зяленскім


Дональд Туск і Ўладзімір Зяленскі на прапускным пункце ля станіцы Луганскай

На станіцы Луганскай прэзыдэнт Эўрапейскай Рады Дональд Туск заявіў, што трагедыя на ўсходзе Ўкраіны працягваецца «з катастрафічнымі гуманітарнымі наступствамі для мясцовага насельніцтва», перадае ўкраінская служба Свабоды.

7 ліпеня Дональд Туск і прэзыдэнт Украіны Ўладзімір Зяленскі наведалі раён разьвядзеньня сілаў на Данбасе і падкантрольную Ўкраіне станіцу Луганскую.

На прапускным пункце іх азнаёмілі зь бягучай сытуацыяй на ўчастку ўкраінскія вайскоўцы, таксама прайшлі сустрэчы з прадстаўнікамі маніторынгавай місіі АБСЭ і зь мясцовымі жыхарамі. Таксама Зяленскі і Туск зайшлі ўглыб зоны разьвядзеньня, дайшлі да разбуранага моста ў Луганску.

На думку Туска, якую ён выказаў у Twitter, мясцовае насельніцтва «апынулася ў пастцы расейскай вайны». Ён таксама адзначыў «добрыя сустрэчы з адважнымі ўкраінскімі салдатамі, назіральнікамі АБСЭ і гуманітарнымі агенцыямі».

У штабе Ўзброеных сілаў Украіны дадалі, што «высокім гасьцям былі прадстаўленыя вынікі працы групаў разьмінаваньня: бясспрэчныя доказы агрэсіі Расеі ў выглядзе рэштак варожых боепрыпасаў, знойдзеных піратэхнічнымі групамі».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG