Іна Студзінская, Менск Паведамленьне пра тое, што Менскі гарвыканкам лічыць разьмяшчэньне незалежнага тыднёвіка “Наша ніва” ў Менску “немэтазгодным”, выклікала абурэньне беларускай грамадзкасьці. Галоўны рэдактар “Нашай нівы” Андрэй Дынько заявіў, што газэта будзе выдавацца “да апошняга”. “Ідзе барацьба ня толькі зь незалежнай прэсай, але і з нацыянальнай культурай”, – падкрэсьліў Андрэй Дынько. Як паставіліся да чарговага ціску на “Нашу ніву” рэдактары незалежных беларускіх выданьняў?