Улады Беларусі працягваюць ціск на незалежныя музычныя гурты і выканаўцаў: ад забароны на правядзеньне канцэртаў — да пагрозаў крымінальнага перасьледу. Музыкі заяўляюць, што сьпяваць па-беларуску ў Беларусі стала небясьпечным.
Канцэрт Зьмітра Вайцюшкевіча ў менскай кавярні «Містраль», які меўся адбыцца 22 лістапада, адменены. «Ізноў было тэлефанаваньне зьверху, з адміністрацыі раёну», — паведаміў сам выканаўца. Ці можа сказаць, што забарона канцэртаў незалежных беларускіх выканаўцаў — гэта дзяржаўная палітыка? Альбо самадзейнасьць канкрэтных мясцовых чыноўнікаў? За што ўлада помсьціць Зьмітру Вайцюшкевічу? Чаму ўлады не хвалюе магчымая нэгатыўная рэакцыя прыхільнікаў беларускай вольнай музыкі?
Канцэрт Зьмітра Вайцюшкевіча ў менскай кавярні «Містраль» адменены за некалькі гадзінаў да пачатку. «Ізноў было тэлефанаваньне зьверху, нас імкнуцца загнаць усё глыбей у падпольле», — кажа Зьміцер.
Прызначаная лінгвістычная экспэртыза выказваньняў лідэра гурту "Ляпіс Трубяцкой" Сяргея Міхалка ў дачыненьні да кіраўніка Беларусі. Экспэртыза прызначаная ў рамках праверкі, якую праводзіць пракуратура Цэнтральнага раёну Менску.
26 лістапада, у дзень народзінаў Уладзімера Караткевіча, будзе прэзэнтаваны новы фільм, прысьвечаны клясыку беларускай літаратуры. Дакумэнтальную стужку пад назовам "Уладзімер Караткевіч: "Як сканаю – душа застанецца" зьняў рэжысэр Віктар Корзун.
Надоечы Аляксандар Лукашэнка сказаў, што ў цэлым сьвеце для Беларусі няма больш блізкіх краінаў, чым Расея і Казахстан. Гэтую заяву камэнтуе мастацтвазнаўца і культуроляг Сяргей Харэўскі.
18 лістапада ня стала Элеаноры Вецер. Мастацтвазнаўца, адна са стваральнікаў Музэя старажытнай беларускай культуры, адна з ініцыятарак і аўтараў сямітамовага Збору помнікаў гісторыі і культуры Беларусі, актыўная ўдзельніца руху за нацыянальнае адраджэньне пакінула гэты сьвет пасьля цяжкай і працяглай хваробы на васьмідзясятым годзе жыцьця.
19 лістапада ня стала Валерыя Раеўскага — народнага артыста Беларусі, ляўрэата дзяржаўных прэмій СССР і Рэспублікі Беларусь, рэжысэра-пастаноўшчыка Купалаўскага тэатру. Валерый Раеўскі пайшоў з жыцьця на 73-м годзе жыцьця, пакінуўшы глыбокі сьлед у тэатральным мастацтве і беларускай культуры.
Разьвітаньне з народным артыстам Беларусі, рэжысэрам-пастаноўшчыкам Нацыянальнага акадэмічнага тэатру імя Янкі Купалы Валерыем Раеўскім адбудзецца ў аўторак 22 лістапада.
Беларуская супольнасьць ладзіць імпрэзы да 120-х угодкаў Максіма Багдановіча. У Горках такая вечарына адбылася з ініцыятывы мясцовага прадпрымальніка, сябра КХП-БНФ Віктара Каралькова.
Беларускі літаратар Уладзімер Арлоў пабываў у гасьцях у сёлетняга нобэлеўскага ляўрэата швэдзкага паэта Тумаса Транстрэмэра.
Літоўскія інтэлектуалы Альгіс Міцкунас (Агаё, ЗША) і Віргініюс Савукінас (Вільня) выступілі з ідэяй стварэньня «Вялікай Літвы» ў разьдзеле «Рынг меркаваньняў» на інфармацыйным партале delfi.lt. Знаёмім вас з тэкстам гэтай публікацыі.
Сёньня беларускаму паэту і грамадзкага дзеячу Анатолю Вярцінскаму спаўняецца 80 гадоў. Спэцыяльна для слухачоў і наведнікаў нашага сайту паэт прачытаў свае найнавейшыя вершы.
У цэнтры Менску зьбіраюцца ўзводзіць будынкі-вежы са шкла і бэтону. Адмыслоўцы пратэстуюць, бо навабуды разбураць рэшткі гістарычнага ляндшафту гораду.
18 лістапада паэт, публіцыст, перакладчык, драматург, грамадзка-палітычны дзеяч Анатоль Вярцінскі сьвяткуе васьмідзесяцігодзьдзе.
У сераду, 16 лістапада, госьцем Радыё Свабода быў музыка, літаратар і мастак Лявон Вольскі. Ён адказаў на пытаньні журналістаў і наведнікаў сайту Радыё Свабода.
У перадачы «Паверх бар'ераў» расейскай службы Радыё Свабода выйшла гутарка Дзьмітрыя Воўчака з Аляксандрам Лукашуком, аўтарам новай кнігі «Сьлед матылька. Освальд у Менску», якая пабачыла сьвет у нашай «Бібліятэцы Свабоды».
Прэмію імя Алеся Адамовіча атрымаюць Аляксандар Тамковіч і Мікалай Мельнікаў. Прэмію імя Францішка Багушэвіча – Людміла Рублеўская і Зьміцер Санько.
Пасьля амаль 10-гадовага перапынку мужчынскі камэрны хор "Унія" даў першы канцэрт — 16 лістапада ў залі менскага Палацу прафсаюзаў.
Уладзімер Някляеў стаў ляўрэатам прэміі Курта Тухольскага швэдзкага ПЭН-цэнтру. Цырымонія ўзнагароджаньня адбылася ў Доме культуры Стакгольму 15 лістапада ў рамках праграмы Дня зьняволеных пісьменьнікаў.
14 лістапада ня стала Анатоля Белага. Знаны беларускі грамадзка-культурны дзеяч, навуковец, калекцыянэр, стваральнік прыватнага мастацкага музэю ў горадзе Старыя Дарогі пакінуў гэты сьвет пасьля цяжкай хваробы на 72 годзе жыцьця.
Пачынаючы з 11 лістапада ў тыднёвіку «Новы час» штопятніцы будзе друкавацца дэтэктыў гісторыка і пісьменьніка Анатоля Валахановіча «Забойства Вільгельма Кубэ».
Выстава Аляксея Марачкіна адчынілася пры поўным аншлягу. На другім паверсе Палаца мастацтваў выстаўлена ў экспазыцыі амаль сто твораў. Многія выступоўцы называлі Марачкіна мастаком-эпохай, мастаком-адлюстравальнікам нашага жыцьця.
8 лістапада быў звольнены з пасады галоўнага рэдактара дзяржаўнай газэты «Звязда» Ўладзімер Наркевіч, які ўзначальваў выданьне на працягу больш як двух дзесяцігоддзяў. Што стаіць за гэтым? Якія зьмены могуць адбыццца ў адзінай дзяржаўнай беларускамоўнай газэце?
І цяпер пытаньне, ці захаваецца гэтая ды яшчэ некаторыя працы з вострай злабадзённасьцю ў экспазыцыі, якая 9 лістапада ўвечары мае адчыніцца ў сталічным Палацы мастацтва.
У Горадні ў Калоскім парку адбыўся турнір лучнікаў «Страла сьятога Губэрта». Большая частка ўдзельнікаў выступала ў гістарычных строях.
У Менску распачаў працу Нацыянальны фэстываль архітэктуры «Менск-2011». У будынку Палаца мастацтваў выстаўленыя макеты і плякатныя праекты сталічнай забудовы.
У Горадні адкрылася выстава, прысьвечаная патрону гораду сьвятому Губэрту. Улады не адзначаюць такога сьвята, гэта — ініцыятыва незалежнага грамадзтва.
У Магілёве адбылася прэзэнтацыя вынікаў II фэстывалю беларускамоўнай рэклямы і камунікацыяў «AD.NAK!».
Нацыянальная кніжная палата Беларусі паведаміла, што сёлета наклад беларускіх выданьняў скараціўся на 17 працэнтаў, а сярэдні іх кошт павялічыўся ўтрая.
29 кастрычніка, у вёсцы Гарошкаў Рэчыцкага раёну сёмы раз ладзілася сьвята паэзіі “Дух — гэта, людзі, Я”. Яно прымеркавана да 52-й гадавіны з дня народзінаў беларускага паэта Анатоля Сыса.
Дзяржсакратар ЗША Гілары Клінтан у інтэрвію іранскай службе БіБіСі заявіла, што ніткі нядаўна раскрытай змовы аб забойстве амбасадара Савудаўскай Арабіі ў ЗША цягнуцца ў Тэгеран.
Генэральны дырэктар парталу TUT.BY пра новыя абмежаваньні інтэрнэту і скандал на TUT.BY-TV.
Старшыня Беларускага ПЭН-Цэнтру паэт Андрэй Хадановіч дзеліцца развагамі з нагоды выказваньняў Аляксандра Лукашэнкі на сустрэчы зь сябрамі Саюзу пісьменьнікаў Беларусі (дзе старшыня – Мікалай Чаргінец).
Кіраўнік Беларусі Аляксандар Лукашэнка сустрэўся зь сябрамі Саюзу пісьменьнікаў Беларусі, які ўзначальвае Мікалай Чаргінец. Як ацэньваюць тэмы і вынікі размовы прадстаўнікі праўладнага СПБ і незалежнага Саюзу беларускіх пісьменьнікаў?
Онлайн-трансляцыя канцэрту Лявона Вольскага ў жывым эфіры на партале TUT.BY на сярэдзіне была спыненая. "Мы мелі падставы, каб гэта зрабіць, калі Лявон пачаў адкрыта зьдзекавацца над дзяржаўнымі асобамі", - патлумачыў генэральны дырэктар TUT.BY Юры Зісер
Ліст, пад якім падпісалася 56 чалавек, у Міністэрства культуры адправілі аршанскія прыхільнікі стварэньня партыі БХД. Яны патрабуюць, каб міністэрства паспрыяла захаваньню будынка кляштара базыльянаў — помніка архітэктуры ХVІІІ стагодзьдзя, які цяпер занядбаны.
23 кастрычніка ў канфэрэнц-залі Чырвонага касьцёлу Менску адбыўся чарговы ХІ зьезд Таварыства беларускай мовы. На зьезд прыбылі каля 120 дэлегатаў, некалькі дзясяткаў ганаровых гасьцей, прадстаўнікоў творчай і навуковай інтэлігенцыі. Старшынём ТБМ зноў абраны Алег Трусаў.
У часе прагляду, арганізаванага грамадзкім аб’яднаньнем "Мы" пры падтрымцы МЗС Польшчы ў сталічным кінатэатры "Luna" будуць паказаныя 20 стужак.
Праваабаронцы стварылі службу бясплатнай і канфідэнцыйнай кансультацыі для «зорак», якіх запрашаюць выступіць на народзінах ці іншых прыватных мерапрыемствах.
У нядзелю ў Менску адбудзецца ХІ зьезд Таварыства беларускай мовы. Напярэдадні гэтай падзеі карэспандэнты «Свабоды» высьвятлялі, як улады ў рэгіёнах ставяцца да ініцыятываў у справе абароны беларускай мовы ад дыскрымінацыі і заняпаду, а таксама — у якіх умовах цяпер існуюць тыя невялікія выспы беларушчыны, што пакуль яшчэ захаваліся ва ўмовах татальнай русыфікацыі.
У менскай галерэі "Ў" адкрылася фотавыстава "З табурэтам праз кантынэнты". Аўтары здымкаў, Аўгіньня Манцэвіч і Ўладзіслаў Юркоў, паўтара года таму выправіліся ў падарожжа праз 14 краінаў з зэдлікам, узятым зь беларускай кухні.
18 кастрычніка дэлегаты 2-га зьезду праўладнага Саюзу пісьменьнікаў Беларусі пераабралі на новы тэрмін старшынём арганізацыі Мікалая Чаргінца. За яго кандыдатуру прагаласаваў 461 дэлегат, супраць — адзін, тры ўстрымаліся.
Паэт, былы кандыдат у прэзыдэнты Беларусі Ўладзімір Някляеў заклікаў удзельнікаў зьезду Саюзу пісьменьнікаў Беларусі не выбіраць Мікалая Чаргінца на пасаду старшыні аб'яднаньня.
Грамадзкае аб'яднаньне "Таварыства беларускай мовы імя Францішка Скарыны" (ТБМ) выступіла з заявай, у якой заклікала грамадзян патрабаваць аднаўленьня выхаду дзіцячай газэты "Раніца" ў ранейшым фармаце.
Людзі зь дзяцінства гуляюць у гульні, і нічога не зьмяняецца, калі яны сталеюць. Нават калі яны становяцца пісьменьнікамі, то ўступаюць у гульню з выдаўцом, чытачамі, літаратурнымі героямі. Вось жа пяцікніжжа найлепшых кніг пра гульні ад Паліны Масьлянковай.
13 кастрычніка Сяргей Міхалок мусіў зьявіцца на «гутарку» ў пракуратуру Цэнтральнага раёну Менску.
Адышоў у іншы сьвет кіраўнік Беларуска-амэрыканскага грамадзкага цэнтру «Полацак», Стронгсьвіль, ЗША. Яму было 79 гадоў.
Адбылася прэзэнтацыя кнігі "Сьлед матылька. Освальд у Менску" сэрыі "Бібліятэка Свабоды. XXI стагодзьдзе". Яе аўтар – дырэктар Беларускай службы Радыё Свабода Аляксандар Лукашук.
Загрузіць яшчэ
