Севярын Квяткоўскі, Менск Адзін са шляхоў вядомасьці Беларусі ў сьвеце – індустрыяльная экстрымальная музыка. Прынамсі так цьвердзяць заўзятары музычнай плыні – індастрыэлу. Так, днямі ў Парыжы дэманстраваліся два кліпы, створаныя беларускім электронным экстрымальнікам Уладам Бубенам, які вядомы сярод іншага, у Вугоршчыне, дзе празь мясцовую ФМ-станцыю рэтрасьлюе аўтарскую праграму, прысьвечаную беларускаму андэграўнду. Пакуль у ЗША, Нямеччыне, Галяндыі, Бэльгіі выходзяць беларускія электронныя рэлізы, пакуль беларускія музыканты бяруць удзел і перамагаюць на міжнародных фэстывалях, у самой Беларусі электронная музыка застаецца на ўзроўні субкультуры. Карэспандэнт Свабоды пабываў на паўпадпольнай імпрэзе індастрыял-імпрэзе, ладжанай у адным зь менскіх бараў.