Марыну Неўдах затрымалі 16 сьнежня 2021 году. Ёй прад’явілі абвінавачаньне ў «групавых дзеяньнях, якія груба парушаюць грамадзкі парадак (ч. 1 арт. 342 Крымінальнага кодэксу), піша «Вясна».
Неўдах двойчы затрымлівалі ў лістападзе 2020 году. Тады ёй далі штрафы за «ўдзел у мітынгу» і «непадпарадкаваньне міліцыі».
Сайт dev.by паведамляў, што незадоўга да Новага году затрымалі прынамсі 10 айцішнікаў. Сярод іх вядучы бізнэс-аналітык EPAM Дзяніс Насура, якога абвінавацілі ва ўдзеле ў пратэстах, і прэс-сакратар А1 Мікалай Брэдзелеў.
Іншых забіралі за падпіску на «экстрэмісцкія» тэлеграм-каналы або камэнтары ў інтэрнэце. Пра далейшы лёс некаторых айцішнікаў няма інфармацыі.