Лінкі ўнівэрсальнага доступу

У Берасьці прайшоў юбілейны пратэст супраць «акумулятарнікаў»


Акцыя пратэсту на галоўнай плошчы Берасьця. 14 кастрычніка 2018 году.

Першая акцыя супраць будаўніцтва акумулятарнага заводу кампаніі «АйПауэр» адбылася 5 студзеня 2018 году.

У Берасьці на плошчы Леніна 5 студзеня каля паўдня чарговы раз сабраліся праціўнікі будаўніцтва акумулятарнага заводу, паведамляе агенцтва БелаПАН. Такія сустрэчы праходзяць тут штонядзелю з 25 лютага 2018 года. На плошчы сабраліся каля 80 чалавек.

Міліцыя праз мэгафон папярэджвала пра адказнасьць за несанкцыянаваную акцыю, аднак затрыманьняў не было. Пасьля сустрэчы на плошчы праціўнікі будаўніцтва заводу прайшлі цэнтральнымі вуліцамі гораду.

Упершыню акцыя пратэсту супраць будаўніцтва акумулятарнага заводу ля Берасьця адбылася роўна два гады таму, 5 студзеня 2018 года. Тады пратэстоўцы сабраліся ля будаўнічай пляцоўкі заводу побач з вёскай Тэльмы. На наступны дзень, 6 студзеня, пачаўся збор подпісаў супраць будаўніцтва гэтага заводу.

Пратэсты супраць акумулятарнага заводу ў Берасьці. Што важна ведаць

Месцазнаходжаньне новага акумулятарнага заводу пад Берасьцем
Месцазнаходжаньне новага акумулятарнага заводу пад Берасьцем
  • Завод пабудавалі каля вёсак Хабы, Шчэбрын і Тэльмы-2, што пад Берасьцем. За два кілямэтры — рака Мухавец. Афіцыйная экалягічная экспэртыза прагназавала, што ўзьдзеяньне заводу на асяродзьдзе і чалавека будзе нязначнае. Аднак людзі ўсё роўна баяцца, што выкіды з заводу падарвуць ім здароўе.
  • Пратэсты супраць акумулятарнага заводу ў Берасьці трываюць ад пачатку 2018 году, калі людзі даведаліся пра будоўлю. Праціўнікі заводу лічаць вытворчасьць «бруднай» і небясьпечнай, заяўляюць пра парушэньні працэдураў будаўніцтва.
  • Актывісты сабралі больш за 37 тысяч подпісаў супраць заводу ды накіравалі іх у адміністрацыю Лукашэнкі ў лютым 2018 году. Аднак урадавая камісія ня выявіла парушэньняў у рэалізацыі праекту па будаўніцтве заводу.
  • У траўні 2018 году актывісты накіравалі ў адміністрацыю прэзыдэнта больш за 2,5 тысячы подпісаў за адстаўку чыноўнікаў Берасьця, бо тыя «ігнаруюць інтарэсы жыхароў Берасьцейскага рэгіёну і сьвядома заплюшчваюць вочы на шкоду ад заводу».
  • У верасьні 2018 году на будоўлі заводу выявілі парушэньні пажарнай бясьпекі.
  • У чэрвені 2019 году падчас пусканаладачных работ на заводзе зафіксавалі перавышэньне забруджвальных выкідаў у атмасфэрнае паветра.
  • 14 чэрвеня старшыня Берасьцейскага аблвыканкаму Анатоль Ліс прыпыніў будаўніцтва заводу да ліквідацыі выяўленых парушэньняў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG