Лінкі ўнівэрсальнага доступу

Супраць праціўніка акумулятарнага заводу аднавілі крымінальную справу

абноўлена

Аляксандар Кабанаў

Берасьцейская абласная пракуратура аднавіла крымінальную справу супраць праціўніка акумулятарнага заводу блогера Аляксандра Кабанава.​ У ліпені справу закрылі, бо 4 месяцы не маглі знайсьці склад злачынства.

Што за справа?

Сёлета ў сакавіку супраць Кабанава завялі крымінальную справу за прысваеньне грошай таварыства ўласьнікаў жытла. Як сказаў Свабодзе Кабанаў, больш як 2 гады таму ён 4 месяцы ўзначальваў такое таварыства ў сваім доме. За гэта атрымліваў заробак 120 рублёў на месяц — па 2 рублі з кватэры. Заяву аб прысваеньні Кабанавым грошай сёлета напісаў яго сусед, дзейны прапаршчык міліцыі.

Кабанаў вядомы асьвятленьнем акцый пратэсту супраць будаўніцтва акумулятарнага заводу, якія праходзяць у Берасьці штонядзелю ўжо болей за год.

Раней Аляксандар Лукашэнка 18 кастрычніка скрытыкаваў праціўнікаў будаўніцтва акумулятарнага заводу, якія вылучаліся кандыдатамі ў дэпутаты Палаты прадстаўнікоў.

Пратэсты супраць акумулятарнага заводу ў Берасьці. Што важна ведаць

Месцазнаходжаньне новага акумулятарнага заводу пад Берасьцем
Месцазнаходжаньне новага акумулятарнага заводу пад Берасьцем
  • Завод пабудавалі каля вёсак Хабы, Шчэбрын і Тэльмы-2, што пад Берасьцем. За два кілямэтры — рака Мухавец. Афіцыйная экалягічная экспэртыза прагназавала, што ўзьдзеяньне заводу на асяродзьдзе і чалавека будзе нязначнае. Аднак людзі ўсё роўна баяцца, што выкіды з заводу падарвуць ім здароўе.
  • Пратэсты супраць акумулятарнага заводу ў Берасьці трываюць ад пачатку 2018 году, калі людзі даведаліся пра будоўлю. Праціўнікі заводу лічаць вытворчасьць «бруднай» і небясьпечнай, заяўляюць пра парушэньні працэдураў будаўніцтва.
  • Актывісты сабралі больш за 37 тысяч подпісаў супраць заводу ды накіравалі іх у адміністрацыю Лукашэнкі ў лютым 2018 году. Аднак урадавая камісія ня выявіла парушэньняў у рэалізацыі праекту па будаўніцтве заводу.
  • У траўні 2018 году актывісты накіравалі ў адміністрацыю прэзыдэнта больш за 2,5 тысячы подпісаў за адстаўку чыноўнікаў Берасьця, бо тыя «ігнаруюць інтарэсы жыхароў Берасьцейскага рэгіёну і сьвядома заплюшчваюць вочы на шкоду ад заводу».
  • У верасьні 2018 году на будоўлі заводу выявілі парушэньні пажарнай бясьпекі.
  • У чэрвені 2019 году падчас пусканаладачных работ на заводзе зафіксавалі перавышэньне забруджвальных выкідаў у атмасфэрнае паветра.
  • 14 чэрвеня старшыня Берасьцейскага аблвыканкаму Анатоль Ліс прыпыніў будаўніцтва заводу да ліквідацыі выяўленых парушэньняў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG