Лінкі ўнівэрсальнага доступу

140 чалавек у цэнтры Берасьця абурыліся словамі Лукашэнкі

абноўлена

Пікет праціўнікаў акумулятарнага заводу, якія вылучаліся ў Палату прадстаўнікоў

Праціўнікі акумулятарнага заводу пад Берасьцем 20 кастрычніка чарговы раз выйшлі на акцыю пратэсту на берасьцейскай плошчы Леніна. Яны абурыліся словамі Лукашэнкі наконт удзелу пратэстоўцаў у парлямэнцкіх выбарах, піша БелаПАН.

Паводле праваабаронцы Рамана Кісьляка а 12:40 на плошчы было 140 чалавек. Міліцыя праз мэгафон папярэджвала іх пра ўдзел у несанкцыяваным мерапрыемстве.

Што сказаў Лукашэнка?

Падчас сустрэчы са студэнтамі і выкладчыкамі Акадэміі кіраваньня 18 кастрычніка Аляксандар Лукашэнка раскрытыкаваў праціўнікаў будаўніцтва акумулятарнага завода, якія вылучаліся кандыдатамі ў дэпутаты Палаты прадстаўнікоў.

«Я хачу, каб і далей моладзь спадзявалася толькі на сябе, каб больш актыўна сябе выяўляла. Але гвалтам не крычала там, як я ведаю, у Берасьці вось гэтыя, а я ж папярэджваў, калі ў вас быў на 1000-годдзі, што глядзіце, у вас некаторыя акумулятаршчыкі гэтыя, пачнецца перадвыбарная кампанія, і вы зразумееце, чаму яны гвалтавалі. Яны ўсе вылучыліся кандыдатамі ў дэпутаты. То бок ім пофіг гэты акумулятарны завод, яны заўтра гатовыя матануць у Мінск і тут бадзяцца па гэтай вуліцы і ціхенька паводзіць ці ж гвалтам крычаць ужо на мінскіх плошчах. Ім для гэтага трэба было», — сказаў Лукашэнка.

Што кажуць пратэстоўцы?

Кандыдатамі ў дэпутаты вылучаліся 4 праціўнікі акумулятарнага заводу, аднак зарэгістравалі толькі Ўладзімера Мароза ў Берасьцейскай памежнай выбарчай акрузе.

Актывіст Дзьмітры Бекалюк пасьля словаў Лукашэнкі мяркуе, што завод усё ж запусьцяць.

«Маё асабістае меркаваньне, што каровы для прэзыдэнта значаць больш, чым мае дзеці. З каровамі на другі дзень разабраліся, а з заводам амаль два гады разьбіраюцца».

Пратэсты супраць акумулятарнага заводу ў Берасьці. Што важна ведаць

Месцазнаходжаньне новага акумулятарнага заводу пад Берасьцем
Месцазнаходжаньне новага акумулятарнага заводу пад Берасьцем
  • Завод пабудавалі каля вёсак Хабы, Шчэбрын і Тэльмы-2, што пад Берасьцем. За два кілямэтры — рака Мухавец. Афіцыйная экалягічная экспэртыза прагназавала, што ўзьдзеяньне заводу на асяродзьдзе і чалавека будзе нязначнае. Аднак людзі ўсё роўна баяцца, што выкіды з заводу падарвуць ім здароўе.
  • Пратэсты супраць акумулятарнага заводу ў Берасьці трываюць ад пачатку 2018 году, калі людзі даведаліся пра будоўлю. Праціўнікі заводу лічаць вытворчасьць «бруднай» і небясьпечнай, заяўляюць пра парушэньні працэдураў будаўніцтва.
  • Актывісты сабралі больш за 37 тысяч подпісаў супраць заводу ды накіравалі іх у адміністрацыю Лукашэнкі ў лютым 2018 году. Аднак урадавая камісія ня выявіла парушэньняў у рэалізацыі праекту па будаўніцтве заводу.
  • У траўні 2018 году актывісты накіравалі ў адміністрацыю прэзыдэнта больш за 2,5 тысячы подпісаў за адстаўку чыноўнікаў Берасьця, бо тыя «ігнаруюць інтарэсы жыхароў Берасьцейскага рэгіёну і сьвядома заплюшчваюць вочы на шкоду ад заводу».
  • У верасьні 2018 году на будоўлі заводу выявілі парушэньні пажарнай бясьпекі.
  • У чэрвені 2019 году падчас пусканаладачных работ на заводзе зафіксавалі перавышэньне забруджвальных выкідаў у атмасфэрнае паветра.
  • 14 чэрвеня старшыня Берасьцейскага аблвыканкаму Анатоль Ліс прыпыніў будаўніцтва заводу да ліквідацыі выяўленых парушэньняў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG