Лінкі ўнівэрсальнага доступу

Тэмпэратурныя рэкорды зафіксавалі 14 кастрычніка амаль па ўсёй Беларусі


Ілюстрацыйнае фота
Ілюстрацыйнае фота

На мэтэастанцыях ва ўсіх абласьцях Беларусі, апроч Берасьцейскай, 14 кастрычніка былі зафісаваныя тэмпэратурныя рэкорды, адзначае БелаПАН.

У Менску такой цеплыні 14 кастрычніка не было за 103 гады назіраньняў — максымальная тэмпэратура паветра дасягнула +22,4°С. Папярэдні рэкорд фіксавалі ў 1993 годзе — тады было +20,5°С.

У Гомлі і Магілёве новыя рэкорды адпаведна +23,7°С і +22,8°С (у 1993-м было +23,5 і +19,8), у Горадні — +21,5°С (у 2000-м было 20,5), у Віцебску — +21,5°С (у 2018-м было +17,8).

Найцяплей у краіне ў гэты дзень у 2019 годзе было ў Брагіне — аж 24,8°С. Але там рэкорд не пабіты: у 1993 годзе 14 кастрычніка там адзначалі 24,9°С. У цэлым па краіне рэкорд цеплыні ў гэты дзень — 26,4°С у Лельчыцах у 1993 годзе.

Найхаладней жа па краіне было ў Лынтупах — толькі 19,5°С. Але рэкорд цяпла там усталяваны — раней у гэты дзень цяплей за ўсё было ў 2018-м з 18,5°С.

У мінулым месяцы надвор’е спачатку (у першай дэкадзе) біла рэкорды цеплыні, пасьля (у трэцяй дэкадзе) — холаду.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG