Вольскі зь сябрамі адзначаць Дзень Волі ў цэнтры Менску

25 сакавік 2019, 17:12

Лявон Вольскі выступае на Дні Волі ў Горадні, 24 сакавіка

25 сакавіка Лявон Вольскі зь сябрамі «хацеў бы прайсьціся» па Менску, па вуліцах Рэвалюцыйнай і Камсамольскай. А 18:30 да яго могуць далучыцца Павал Аракелян, Ігар Варашкевіч і Зьміцер Вайцюшкевіч. Можа, кажа Вольскі, нават возьмуць з сабой нейкія музычныя інструмэнты.

І Вольскі, і Варашкевіч, і Вайцюшкевіч выступалі на канцэрце #БНР101 у Горадні 24 сакавіка.

Аўтазакі на Кастрычніцкай плошчы ў Менску

ГЛЯДЗІЦЕ ТАКСАМА:

Аўтазакі ў цэнтры Менску на Дзень Волі. ФАТАФАКТ

Што важна ведаць пра Дзень Волі — 2019

1 сакавіка — Аляксандар Лукашэнка вусна забаран іў сьвяткаваць Дзень Волі канцэртам на стадыёне «Дынама», як таго хацелі арганізатары #БНР100 — кажа: «Ідзіце на Бангалёр».
23 сакавіка ў Горадні — канцэрт у Калоскім парку з удзелам Зьмітра Вайцюшкевіча, Лявона Вольскага, гуртоў Nizkiz, «Крама», «Дай дарогу!» і Dzieciuki. Ад 3 да 5 тысяч гледачоў.
23–24 сакавіка — акцыі беларусаў у Варшаве, Вільні, Кіеве, Нью-Ёрку, Празе ды іншых гарадах.
24 сакавіка ў Менску — мітынг-канцэрт у Кіеўскім сквэры з удзелам «Дай дарогу», N.R.M., «Разьбітага сэрца пацана» ды іншых. Ад 1500 (паводле міліцыі) да 5–7 тысячаў (паводле арганізатараў) гледачоў. Затрыманыя Натальля Басалыга-Гарачка і Зьміцер Дашкевіч.
25 сакавіка ў Гомлі — акцыя памяці герояў БНР.
25 сакавіка ў Віцебску — адзіночны пікет Барыса Хамайды, які расцанілі як «парушэньне парадку ўтрыманьня населеных пунктаў».
25 сакавіка ў розных гарадах — людзі вывешвалі бел-чырвона-белыя сьцягі на заклік арганізатараў #БНР101, уладам не спадабалася.
25 сакавіка ў Менску на Кастрычніцкай плошчы — акцыя Алены Талстой (прыкавала сябе да слупа), затрыманьні палітыкаў і мінакоў. Праз тры гадзіны вызваленыя ўсе, акрамя Талстой, пратаколаў аб парушэньнях не складалі.
25 сакавіка ў Менску на пешаходных вуліцах — затрыманьні музыкаў (Аракелян, Вайцюшкевіч, Варашкевіч і Вольскі), якія анансавалі, што зьбіраюцца прагуляцца і ўзяць з сабой музычныя інструмэнты. Пасьля затрыманьня дзясяткі людзей сьпявалі хорам песьні Вольскага, міліцыя пагражала затрыманьнямі і гвалтам. Праз тры гадзіны музыкі вызваленыя.
25 сакавіка ў розных гарадах — салюты ў гонар Дня Волі.